కావాలంటే చూడండి నేను బాగానే వున్నాను!

Posted: 04/02/2015 11:06 AM IST

హీరోయిన్లు ఎప్పుడూ మీడియా ముందు కనిపిస్తూ వుండాలి... లేదంటే వాళ్లకు ఏమైనా అయ్యిందా? అనారోగ్యంగా వున్నారేమో అనుకుంటూ మీడియాలో ఏదో ఒక వార్తలొస్తూనే వుంటాయి. అయితే తాజాగా హీరోయిన్ బిందుమాధవి కాస్త మీడియాకు కనిపించడం మానేసిందో ఏమో... ఈ అమ్మడిపై పలు రకాల వార్తలొచ్చేసాయి. తాజాగా ఈ అమ్మడు ఓ సినిమా షూటింగ్ లో పాల్గొనడం వల్ల అస్వస్థతకు గురయ్యిందని, దీంతో వెంటనే హాస్పిటల్లో జాయిన్ అయ్యిందంటూ వార్తలొచ్చాయి.

కానీ ఈ పుకార్లపై బిందు మాధవి తాజాగా ఓ క్లారిటీ ఇచ్చేసింది. తన అనారోగ్యంపై వస్తున్న పుకార్లను ఎవరో పనికిమాలిన వారు సృష్టించిన గాలి వార్తలే తప్ప.. అందులో ఎలాంటి నిజం లేదని. తానే క్షేమంగా వున్నానని చెప్పుకొచ్చింది. ఇలా మాటలతో చెబితే నమ్ముతారో లేదో అని భావించిన బిందు మాధవి... ఓ సెల్ఫీని తీసి మరీ పంపించింది.

మరి ఇప్పటికే ఈ అమ్మడికి తెలుగులో అవకాశాలే లేవు. తమిళంలో ఇప్పుడిప్పుడే వరుస చిత్రాలతో బిజీగా వున్న ఇలాంటి సమయంలో ఇలాంటి పుకార్లు వస్తే.. తన కెరీర్ కు ఇబ్బంది కలుగుతుందని భావించిన బిందు మాధవి... సరైన విధంగా స్పందించిందంటూ కోలీవుడ్ జనాలు అంటున్నారు.