లింగకు వ్యతిరేకంగా ఉత్తమ విలన్ కామెంట్లు

Posted: 03/26/2015 12:18 PM IST

తమిళ సూపర్ స్టార్ రజనీకాంత్ చేసిన ఓ పనికి లోకనాయకుడు కమల్ హాసన్ వ్యతిరేకిగా మారాడు. రజనీ చేసింది ముమ్మటుగా తప్పేనని అంటున్నాడు కమల్. రజనీకాంత్ నటించిన ‘లింగ’ సినిమా ఇటీవలే విడుదలై అట్టర్ ఫ్లాప్ అయిన విషయం తెలిసిందే. దీంతో ఈ చిత్రం కొనుకున్న పంపిణీదారులు తీవ్రంగా నష్టపోవడంతో, తమకు నష్టపరిహారం చెల్లించాలని పంపిణీదారులు అందోళనకు దిగడం తెలిసిన విషయం తెలిసిందే.

దీంతో రజనీకాంత్ డబ్బులు వెనక్కి ఇచ్చేసి ఈ గొడవకు స్వస్తి పలికారు. అయితే ఈ విషయాన్ని కమల్ ఖండించారు. రజనీ చేసిన ఈ పని కరెక్ట కాదని కమల్ అన్నారు. ఈ విషయంపై కమల్ మాట్లాడుతూ... ఈ మధ్య ఫ్లాప్ అయిన సినిమాల విషయంలో డబ్బులు వెనక్కి తిరిగి ఇవ్వాలని పంపిణీదారులు డిమాండ్ చేస్తున్నారు. అది సరైన పద్ధతి కాదు. అలాగే రజనీకాంత్ పంపిణీదారులకు నష్టపరిహారం చెల్లించడం ఆమోదించదగిన విషయం కాదని కమల్ అన్నారు.

మరి ఈ విషయంపై రజనీకాంత్ ఎలా స్పందిస్తారో చూడాలి. ప్రస్తుతం కమల్ నటించిన ‘ఉత్తమ విలన్’ చిత్రం ప్రపంచ వ్యాప్తంగా విడుదలయ్యేందుకు సిద్ధమవుతోంది. త్వరలోనే ప్రేక్షకుల ముందుకు రానున్న ఈ చిత్రం ఎలాంటి విజయం సాధించనుందో చూడాలి.