పవనిజం సాంగ్ విడుదల చేయనున్న పీపుల్స్ స్టార్

Posted: 03/17/2015 01:08 PM IST

సాయిధరమ్ తేజ్ హీరోగా నటించిన మొదటి చిత్రం ‘రేయ్’.... ఇంకా విడుదలకు నోచుకోని విషయం తెలిసిందే. గతకొద్ది కాలంగా విడుదల కాకుండా వాయిదాలు పడుతూ వస్తున్న ఈ చిత్రం త్వరలోనే ప్రేక్షకుల ముందుకు రాబోతుంది.

అయితే ఈ సినిమాలో పవర్ స్టార్ పవన్ కళ్యాణ్ కోసం ‘పవనిజం’ అంటూ ఓ స్పెషల్ సాంగ్ ను ప్రమోషనల్ సాంగ్ గా కంపోజ్ చేసారు. ఈ పాటపై సాయిధరమ్ తేజ్ అదిరిపోయే స్టెప్పులను కూడా వేసినట్లుగా తెలిసింది. అయితే ఈపాటను ఈనెల 15న విడుదల చేయాలని అనుకున్నారు. కానీ కొన్ని అనివార్య కారణాల వల్ల వాయిదా వేసారు.

ఈ పవనిజం పాటను ఈరోజు(మార్చి 17) సాయంత్రం 6 గంటలకు విడుదల చేయనున్నారు. ఈ పాటను ప్రముఖ నటుడు, దర్శకుడు పీపుల్స్ స్టార్ ఆర్.నారాయణ మూర్తి చేతుల మీదుగా విడుదల కానుంది. వైవియస్ చౌదరి దర్శకనిర్మాతగా వ్యవహరించిన ఈ చిత్రానికి చక్రి సంగీతం అందించారు. సయామీ ఖేర్, శ్రద్ధాదాస్ లు హీరోయిన్లుగా నటించారు. ఈ చిత్రాన్ని మార్చి 27న విడుదల చేయడానికి సన్నాహాలు చేస్తున్నారు.