దర్శకుడిని సంతృప్తి పరిచిన అనుష్క..

Posted: 02/07/2015 10:58 AM IST

Anushka shetty prakash kovelamudi lady oriented movie tollywood news raghavendra rao

ప్రస్తుతం ‘బాహుబలి’, ‘రుద్రమదేవీ’లాంటి ప్రతిష్టాత్మక చిత్రాల్లో నటిస్తూ ఫుల్ బిజీగా వున్న అనుష్కశెట్టిని గతకొన్నిరోజులనుంచి ఓ దర్శకుడు వెంటపడుతున్నాడని సమాచారం! కానీ.. అనుష్క బిజీ షెడ్యూల్’లో వున్న కారణంగా అతనితో కలవడానికి కుదరలేదు. అయితే.. ఇటీవల ఆ రెండు మూవీల షూటింగ్’లు ముగిసిన నేపథ్యంలో ఆమె సదరు దర్శకుడితో కలిసి అతనిని తన నిర్ణయం ద్వారా సంతృప్తి పరిచిందని తెలుస్తోంది. దీంతో ఇదివరకు చాలా టెన్షన్’గా వున్న ఆ దర్శకుడు.. ఇప్పుడు హ్యాపీగా ఫీల్ అవుతున్నాడని ఇండస్ట్రీ వర్గాలు తెలుపుతున్నాయి.

వివరాల్లోకి వెళ్తే.. గతకొన్నాళ్ల నుంచి కొందరు దర్శకనిర్మాతలు అనుష్కను తమ సినిమాల్లో నటించాల్సిందిగా కోరుతూ అప్రోచ్ అవుతున్నారు. కానీ.. ‘బాహుబలి’, ‘రుద్రమదేవీ’ చిత్రాల షూటింగులతో బిజీగా వుండటంతో ఏ ఒక్కరికి ఓకే చెప్పలేదు. పైగా.. ఈమెకు వయస్సు మీరిపోతుండటంతో కుటుంబసభ్యులు ఈ బొమ్మాళికి పెళ్లి చేయాలనే అభిప్రాయంతో వున్నారట! దీంతో ఆమె ఆందోళనలో వుండగా.. ఏ సినిమాను ఒప్పుకోకుండా పెండింగ్’లో పెట్టేసింది. అయితే.. ఆ మూవీ చిత్రీకరణలు ముగియడంతో తాజాగా ఈ అమ్మడు కేవలం ఒకే ఒక్క సినిమాకు గ్రీన్ ఇచ్చిందని సమాచారం!

దర్శకేంద్రుడు కె.రాఘవేంద్రరావు తనయుడు ప్రకాష్ కోవెలమూవీ హీరోయిన్ ప్రధాన పాత్ర కలిగిన ఓ చిత్రాన్ని రూపొందిస్తున్నట్లు గతంలో వార్తలు వచ్చాయి. ఆ పాత్రకు అనుష్కనే సూట్ అవుతుందన్న ఉద్దేశంతో దర్శకుడు అనుష్కను అప్రోచ్ అయ్యాడు కూడా! అయితే.. అప్పట్లో ఆమె అందుకు గ్రీన్ సిగ్నల్ ఇవ్వలేదు. కానీ.. ఇప్పుడు ఫ్రీగా వుండటంతో ఓకే చెప్పేసిందని యూనిట్ వర్గాలు చెబుతున్నాయి. ఇప్పటికే ఆ మూవీ ప్రీ ప్రొడక్షన్ పనులు కూడా పూర్తయ్యాయి. త్వరలోనే సెట్స్ మీదకు తీసుకెళ్లేందుకు దర్శకనిర్మాతలు సన్నాహాలు చేస్తున్నారు.