దర్శకుడు మారుతి పరిస్థితి ఏమిటి .?

Posted: 05/09/2014 12:33 PM IST

టాలీవుడ్ ఇండస్ట్రీలో చిన్న సినిమాలను తొక్కేస్తున్న రోజుల్లో ‘ఈ రోజుల్లో ’ సినిమా తో ముందుకు వచ్చిన దర్శకుడు మారుతి చిన్న సినిమా అంటే ఒట్టి సినిమా ఏమీ కాదని నిరూపించాడు ఆ సినిమా హిట్టుతో. ఆ సినిమా మంచి విజయం సాధించడమే కాకుండా మంచి వసూళ్ళు కూడా సాధించింది. తరువాత ‘బస్ స్టాప్, ప్రేమకథా చిత్రం ’ సినిమాలను తనదైన శైలితో తెరకెక్కించి హిట్ డైరెక్టర్ గా పేరు తెచ్చుకొని అందరి ద్రుష్టిలో పడ్డాడు.

హిట్  సినిమాల దర్శకుడిగా పేరు తెచ్చుకున్నా బూతు చిత్రాల దర్శకుడిగా ముద్ర వేసుకున్నాడు. ఈయన సినిమాలు చూసిన పెద్ద హీరోలు సైతం ఓ సినిమా చేయాలని అనుకున్నా, ఆయనకున్న బూతు బిరుదుతో వెనక్కు తగ్గారు. కానీ మెగా కంపౌండ్ బడా నిర్మాత అల్లు అరవింద్ గీతా ఆర్ట్స్ లో తన కుమారుడు శిరీష్ తో సినిమా చేసే అవకాశాన్ని ఇచ్చాడు. ఆ సినిమా తరువాత మెగా హీరోలను డైరెక్ట్ చేయవచ్చని అనుకున్నాడు.

కానీ శిరీష్ తో చేసిన ‘కొత్త జంట ’ సినిమాను ప్రేక్షకులు ఆదరించక పోవడమే కాకుండా మారుతి ఇలాంటి చెత్త సినిమాలు కూడా చేస్తారా అనే విధంగా తీశాడు. దీంతో ఈయనకు స్టార్ హీరోలతో కాదు కదా ? ఏ హీరోలతో సినిమాలు చేసే ఛాన్స్ రావడం లేదు. ముఖ్యంగా అల్లు అర్జున్ తో అదే బ్యానర్లో  సినిమా చేయాలనుకున్నాడు.

అయితే, ఇప్పుడు అంత సీను కనపడకపోయేసరికి వచ్చిన ఆఫర్లను ఒప్పుకుంటున్నాడట. ఈ క్రమంలో అక్కినేని నాగచైతన్యతో ఓ సినిమా చేసే ప్రయత్నాలు చేస్తున్నాడని సమాచారం. హ్యాట్రిక్ విజయాల సినిమాలు అందించే సరికి మారుతిలో పస తగ్గిపోయిందో ఏమో అని అనుకుంటున్నారు.