జూన్ 30న రామ్ చరణ్ ‘ఎవడు’ఆడియో

Posted: 06/25/2013 04:08 PM IST

మెగా పవర్ స్టార్ రామ్ చరణ్ హీరోగా నటిస్తున్న ‘ఎవడు’ సినిమా ఆడియో ఈ నెల 30న విడుదలకు సిద్దమవుతోంది. ఈ విషయాన్ని రామ్ చరణ్ పి.ఆర్.ఓ ఖరారు చేసారు. ‘ఎవడు’ సినిమాకి ప్రస్తుతం ఫుల్ ఫాంలో ఉన్న యంగ్ తరంగ్ దేవీ శ్రీ ప్రసాద్ సంగీతం అందించాడు. అలాగే ప్రొడక్షన్ టీం ఈ సినిమాని జూలై చివర్లో విడుదల చేయడానికి సన్నాహాలు చేస్తున్నారు. ఈ సినిమాలో చరణ్ శ్రుతి హాసన్, అమీ జాక్సన్ లతో ఆడిపాడుతున్నాడు. వంశీ పైడిపల్లి దర్శకత్వం వహిస్తున్న ఈ సినిమాని దిల్ రాజు నిర్మిస్తున్నాడు. అల్లు అర్జున్ కూడా ఈ సినిమాలో ఓ అతిధి పాత్రలో కనిపించనుండడం వల్ల మెగా ఫ్యాన్స్ ఈ మూవీ కోసం ఎంతగానో ఎదురు చూస్తున్నారు.