ఫైట్ మాస్టర్లతో వెంకటేష్ సినిమా

Posted: 04/16/2013 09:19 PM IST

తెలుగు సినిమా పరిశ్రమలో ఈ మధ్య కాలంలో వివిధ శాఖలకు చెందిన వారు దర్శకుల అవతారం ఎత్తి పెద్ద హీరోలతో సినిమాలు తీసేసి స్టార్ దర్శకులకు సవాల్ విసురుతున్నారు. ఈ మధ్య పలువురు రచయితలు దర్శకులుగా మారిన, మారబోతున్న విషయం తెలిసిందే. తాజాగా టాలీవుడ్ లో జంట కవలలు అయిన ఫైట్ మాస్టర్లు రామ్ - లక్ష్మణ్ లు కూడా దర్శకులుగా మారబోతున్నారు. గతంలో వీరిద్దరు హీరోలుగా ఓ యాక్షన్ సినిమా కూడా తీశారు. తాజాగా వీరిద్దరు కలిసి విక్టరీ వెంకటేష్ కి ఓ కథ వినిపించారట. ఈ కథ వెంకీకి బాగా నచ్చడంతో వెంటనే అంగీకరించాడని టాలీవుడ్ వర్గాల సమాచారం. త్వరలో వెంకీ నటించిన ‘షాడో ’ సినిమా విడుదల కాబోతుంది . ఈ సినిమా తరువాత హీరో రామ్ తో కలిసి ‘బోల్ బచ్చన్ ’ రీమేక్ లో నటిస్తాడు. ఆ సినిమా తరువాత రామ్ లక్ష్మణ్ ల సినిమాల నటిస్తాడని అంటున్నారు. చూద్దాం మరి వీరిద్దరు ఫైట్ మాస్టర్ల లాగే మంచి పేరు తెచ్చుకుంటారో లేదో.