Posted: 07/15/2012 05:55 PM IST

       నవదీప్‌, సదా జంటగా వస్తున్న చిత్రం 'మైత్రి'. రాజు దర్శకునిగా పరిచయమవుతున్నాడు. రాజేష్‌కుమార్‌ నిర్మిస్తున్నాడు. చిత్ర వివరాలను దర్శకుడు చెబుతూ...'టాకీ పూర్తయింది. రెండు పాటలు కూడా చిత్రీకరించాం. మూడు పాటల్ని తీయాల్సి ఉంది. రెండింటిని హంపీలోనూ, ఓ పాటను చెన్నైలోనూ ఈనెల 20 నుంచి చిత్రీకరించనున్నా'మని అన్నారు. చిత్ర సారాంశం గురించి వివరిస్తూ...'జీవితంలో సెటిల్‌ అయి తమ ఆశయాల్ని నెరవేర్చుకునే తరుణంలో ఈ కథలోని నాయికా నాయకుల మధ్య స్నేహం ఏర్పడుతుంది. అలా మొదలైన వారి స్నేహంలో ఏర్పడిన థ్రిల్లింగ్‌ సంఘటనలే ఈచిత్ర కథ' అని చెప్పారు. సహనిర్మాత కుమార్‌రాజా మాట్లాడుతూ...'ఇప్పుడు వస్తున్న చిత్రాలకు భిన్నంగా ఈ చిత్రముంటుంది. ప్రస్తుతం ఎడిటింగ్‌ కార్యక్రమాలు కూడా జరుగుతున్నాయి. సదా నటన అద్భుతంగా ఉంటుంది. ఈనెలాఖరులో ఆడియోను విడుదల చేయనున్నా'మని చెప్పారు.

...avnk