Posted: 01/31/2012 04:35 PM IST

           మెగాస్టార్ చిరంజీవి ఒక అద్భుత శక్తి అంటున్నాడు హీరోగా మారిన కామెడీ నటుడు సునీల్. ఆయన నాలాంటి ఎందరో నటులకు ఆదర్శప్రాయుడన్నారు. సునీల్ హీరోగా నటించి త్వరలో ప్రేక్షకుల ముందుకు రాబోతోన్న ‘పూలరంగడు’ సినిమాలో అతని డ్యాన్సుల గురించి మాట్లాడుతూ ఈ వ్యాఖ్యలు చేశారు. అంతే కాదు చిరంజీవి గారి క్రమశిక్షణ, వినయ విధేయతలు అందరికీ ప్రేరణ అన్నడు సునీల్. టాలీవుడ్ లో చిరంజీవి గారిది ఒరిజినల్ డాన్స్ అనీ మేము ఆయనకి నకళ్లు లాంటి వాళ్ళమని అభిప్రాయపడ్డాడు.

         కాగా, యాక్షన్ ఎంటర్టైనర్ ‘పూలరంగడు’లో సునీల్ సరికొత్తగా కనిపించబోతున్నాడు. ఈ దఫా యాక్షన్ హీరోగా కనిపించటమే కాదు, తన నాట్య ప్రతిభతో కొత్త కొత్త డ్యాన్సులు చేయబోతున్నాడు. ఈ చిత్రంలో సునీల్ డాన్స్ అద్భుతంగా చేసాడని చిత్ర యూనిట్ వర్గాలు చెబుతున్నాయి. తన గత చిత్రాలు ‘మర్యాద రామన్న’, ‘అందాల రాముడు’ కంటే డాన్సులు బాగా చేసినట్లు సునీల్ సైతం చెబుతున్నాడు.

         పూలరంగడు చిత్రానికి కథ, స్క్రీన్ప్లే, దర్శకత్వం వీరభద్రం కాగా కె. అచ్చిరెడ్డి నిర్మాత. సునీల్ కి జోడీగా ఇషా చావ్లా హీరొయిన్ గా నటిస్తుంది. ఈ మూవీ ఫిబ్రవరి 18న ప్రేక్షకుల ముందుకు రానుంది.

...avnk