Posted: 01/20/2012 04:46 PM IST

కమలహాసన్ ముద్దుల తనయ, కథానాయిక శృతి హాసన్ కి ఓ పత్రిక మీద చిర్రెత్తుకొచ్చింది. దాంతో సదరు పత్రికకి లీగల్ నోటీస్ పంపించింది. తనకీ, రజనీకాంత్ అల్లుడు ధనుష్ కీ మధ్య ఏదో వ్యవహారం నడుస్తోందంటూ ఓ కథనాన్ని ప్రచురించిన ఓ తమిళ వారపత్రికకు శృతి హాసన్ తాజాగా లీగల్ నోటీస్ ఇచ్చింది. ఎటువంటి ఆధారాలు లేని అవాస్తవాలతో కూడిన ఆ కథనం, తమ కుటుంబాల మధ్య చిచ్చు పెట్టేలా వుందని ఆమె భావిస్తోంది. అందుకే, సదరు పత్రికలో ఈ విషయంపై క్షమాపణతో కూడిన వివరణ ఇవ్వాలనీ, లేనిపక్షంలో న్యాయపరమైన చర్యలు తీసుకుంటాననీ ఆమె నోటీసులో హెచ్చరించింది. ఇదిలా ఉంచితే, ఇంతవరకు ఒక్క హిట్టంటూ లేని శృతి హాసన్, ఫిబ్రవరి 3 న విడుదలవుతున్న తమిళ చిత్రం '3' మీదే ఆశలు పెట్టుకుంది.