Deeksha Seat Enjoy The Holydays

Posted: 01/01/2012 02:47 PM IST

Dheekaha

గత ఏడాది నా కెరీర్ మంచి అనుభూతినిచ్చింది. మూడు సినిమాల ద్వారా ప్రేక్షకులకు కనిపించాను. ఈ ఏడాది సినిమాల సంఖ్య పెరిగింది. నాలుగైదు సినిమాల్లో కనిపిస్తాను. అందుకని ఆనందంగా ఉంది. ప్రస్తుతం చేస్తున్నవన్నీ భారీ సినిమాలే. నిప్పు, రెబల్, ఊ కొడతారా ఉలిక్కిపడతారా, తమిళంలో వేట్టయ్ మన్నన్ చేస్తున్నాను. ఈ నాలుగూ ఈ ఏడాదే విడుదలవుతాయి. మరికొన్ని చిత్రాలు చర్చల దశలో ఉన్నాయి. కొత్త సంవత్సరం సందర్భంగా ప్రత్యేకంగా నిర్ణయాలు తీసుకునే అలవాటు లేదు. ఆ భగవంతుడు చల్లగా చూడాలని, అందరికీ శుభం చేకూరాలని కోరుకుంటున్నాను. ఇక సెలబ్రేషన్స్ విషయానికొస్తే... ప్రస్తుతం జమ్మూలో ఉన్నాను. నా స్కూల్ డేస్ ఫ్రెండ్స్ ముగ్గురు, మా కామన్ ఫ్రెండ్స్‌తో కలిసి జమ్మూ వెళ్లాను. మొత్తం 12 మంది అమ్మాయిలం ఉన్నాం. మేం జమ్మూ వెళ్లి వారం అయ్యింది. క్రిస్మస్, న్యూ ఇయర్ జరుపుకునే విధంగా ప్లాన్ చేసుకుని గత నెల 24నే జమ్మూ వెళ్లాం. మేమంతా అల్లరి అమ్మాయిలమే. ఆటాపాటా, విందు, వినోదం... ఒకటేమిటి? చాలా సందడి చేస్తున్నాం. ఈ క్షణం మిస్ అయితే ఇక రాదు అన్నట్లుగా ఎంజాయ్ చేస్తున్నాం. మరో రెండ్రోజుల్లో నా హాలిడే ట్రిప్ పూర్తవుతుంది. ‘నిప్పు’ షూటింగ్ ఉంది కాబట్టి ఏడెనిమిది రోజులకే ట్రిప్ ముగించేశాను’’ అని చెప్పారు దీక్షాసేథ్.