శివుని మహిమకు ప్రతీక "క్షీరారామం"

Posted: 05/07/2013 06:46 PM IST

Ksheera ramalingeswara swamy temple in palakollu

శివుడు భోళా శంకరుడు ... అటు మానవులు, దేవతలకే కాదు , ఇటు రాక్షసులకు కూడా వరాలను ప్రసాదించే ఏకైక దైవ స్వరూపం , సకల సృష్టికీ మూలం ఆ పరమ శివుడు ... అట్టి భగవత్స్వరూపం కొలువయ్యి ఉన్న ఎన్నో ఆలయాలలో , ఇంకొక పరమ పవిత్రమైన ఆలయ విశేషాలు ఈనాటి అన్వేషణ లో;

పశ్చిమ గోదావరి జిల్లలో పాలకొల్లు అను గ్రామము ఉంది . ఈ గ్రామం లో శ్రీ రాముని చేత క్షీర కొలను పక్కన ప్రతిష్టించబడిన స్వామీవారి లింగం శ్రీ క్షీరారామ లింగేశ్వర స్వామి. పాలకొల్లు గ్రామము నరసాపురమునకు సుమారు 11 కి . మీ . దూరంలోను, భీమవరానికి 21 కి . మీ . దూరంలోను ఉంది .

క్షీరా రామలింగేశ్వర స్వామీ వారి దేవాలయమునకు ముందున్న గోపురం చాల ఎత్తైనది . క్షీరా రామలింగేశ్వర స్వామీ వారి లింగము శిరస్సున చిన్న ముడి , మరియు కొమ్ము ఉన్నట్లుగా కనిపించును . లింగము తెలుపు రంగులో చూడ ముచ్చటగా నుండును . లింగము చుట్టూ నొక్కులు కలిగి ఉండును.

దేవాలయమునకు సమీపంలో రామగుండము అను కొలను కలదు . ఈ కొలనులో నీరు తెల్లగానుండును . అందుచేత పాలకొలను (క్షీరాపురం) అని ప్రసిద్ధి చెంది కాలక్రమంలో పాలకోల్లుగా మారింది . క్షీరారామ క్షేత్రం "ఆంధ్ర కైలాసం" గా పేరు పొందింది .

క్షీరారామ క్షేత్రమందు పార్వతీ పరమేశ్వరులు , లక్ష్మీ జనార్దనులు , సరస్వతీ బ్రమ్హాలు వేంచేసి ఉన్నారు . అందుచేత ఈ ఆలయము "త్రిమూర్త్యాలయము' గా ప్రాచూర్యం చెందినది .

అంతేకాక, "హరి హర" క్షేత్రమని కూడా ప్రసిద్ధి చెందినది .

క్షీరారామ క్షేత్రమందు సుబ్రమణ్యస్వామి , ఆంజనేయస్వామి , భైరవ స్వామీ ఆలయములు కలవు .

చైత్ర సుద్ధ దశమి రోజున కల్యాణోత్సవం జరుగుతుంది .

క్షీరా రామలింగేశ్వరుని భక్తీ శ్రద్ధలతో ఆరాదిన్చినవారు దారిద్ర బాధ నుండి విముక్తి పొందుతారు . సిరిసంపదలు కలుగుతాయి .