తెరుచుకోలేదని ఏటీయం మిషన్నే ఎత్తుకెళ్లారు

Posted: 11/25/2014 03:49 PM IST

ఒకడు గుడిని దోంగలిస్తే..మరోకడు గుడిలో లింగాన్నే దోంగలించాడన్న నానుడిని నిజం చేశారు ఆ దోంగలు.. ఏటీఎం సెంటర్లో చోరబడి.. అక్కడున్న డబ్బులను చోరీ చేసే దోంగల గురించి మీరు వినే వుంటారు. కానీ ఇక్కడ మాత్రం దొంగలు తమదైన శైలిలో దొంగతనం చేశారు. ఏటీఎం సెంటర్లో చోరీ చేయాలనుకున్నారు.. కొందరు దొంగలు. అయితే ఎంతకీ అది తెరుచుకోకపోవడంతో.. ఇక లాభం లేదని ఏకంగా ఏటీఎం మిషన్నే ఎత్తుకుపోయారు. దేశ రాజధాని ఢిల్లీలో ఈ ఘటన చోటుచేసుకుంది. నరెలా ప్రాంతంలో యూనియన్ బ్యాంక్ ఆఫ్ ఇండియా ఏటీఎం మిషన్ను దొంగలు అపహరించారు,

ఏటీయం సెంటర్లో వుండాల్సిన ఏటీయం మిషన్ ను ఎవరో ఎత్తుకుపోయినట్లు ఆ ఏటీఎం కేంద్రాన్ని శుభ్రపరిచేందుకు వచ్చిన స్వీపర్ తెల్లవారుజామున గుర్తించి పోలీసులకు తెలిపారు. సమాచారం అందుకున్న పోలీసులు రంగంలోకి దిగి..సీసీటీవీ కెమెరా ఫుటేజ్ కోసం చూశారు. దోంగలు చాలా తెలివైన వాళ్లు కావడంతో సీసీటీవీ కెమెరాలను కూడా ఎత్తుకుపోయారు. ముందుగా ఆ ప్రాంతంలో ఉన్న వీధిలైట్లను పగలగొట్టి, ఆ తర్వాత మిషన్ మొత్తాన్ని ఎత్తుకెళ్లారు. ఆ ఏటీఎం కేంద్రానికి సెక్యూరిటీ కూడా లేదని పోలీసులు తెలిపారు.

జి.మనోహర్