ఉద్యోగాల భర్తీపై తెలంగాణ ప్రభుత్వ ప్రకటన

Posted: 11/24/2014 03:32 PM IST

Etela rajender on job vacencies in telangana

తెలంగాణలో ఉద్యోగాల ఖాళీలు, భర్తీపై రాష్ర్ట ప్రభుత్వం ప్రకటన చేసింది. రాష్ర్టంలో నిరుద్యోగ సమస్యపై అసెంబ్లీ సమావేశాల్లో చర్చ జరిగింది. దీనిపై ప్రభుత్వం తరపున వివరణ ఇచ్చిన ఆర్ధికమంత్రి ఈటెల రాజేందర్, ఇప్పటివరకు ఉద్యోగుల విభజన పూర్తి కాలేదన్నారు. ఉద్యోగుల విభజనను కమల్ నాధన్ కమిటీ పూర్తి చేయలేదని గుర్తుచేశారు. అటు ఐఏఎస్, ఐపీఎస్ అధికారుల పంపిణీ కూడా పూర్తి కాలేదన్నారు. ఫలితంగా ఖాళీల భర్తీలో జాప్యం ఏర్పడుతోందన్నారు.

తెలంగాణలో 1లక్షా 7వేల, 444 ఖాళీ ఉందన్నారు. ఇక ఇప్పటివరకు భర్తీ అయిన ఉద్యోగాలు కేవలం 295మాత్రమే అన్నారు. ప్రస్తుతం పోలిస్, పౌరసరఫరాలతో పాటు ఇతర శాఖల్లోని ఉద్యోగాలు భర్తీ చేస్తున్నట్లు తెలిపారు. వీటితో పాటు ప్రైవేటు రంగంలో కూడా ఉద్యోగాలు కల్పించేందుకు ప్రభుత్వం కృషి చేస్తుందన్నారు. ఈటెల చెప్పిన సమాచారంను బట్టి తెలంగాణలో లక్షకు పైగా ఉద్యోగాలు ఖాళీగా ఉన్నాయి. ఉద్యోగుల విభజన పూర్తయితే నోటిఫికేషన్లు వచ్చే అవకాశం ఉంది.

కార్తిక్