ఖైదీ భార్యను వేధిస్తున్న జైలు వార్డర్

Posted: 10/28/2014 10:46 AM IST

ఓ కేసులో శిక్ష అనుభవిస్తున్న ఖైదీ భార్యను వేధిస్తున్న ఘటన చర్లపల్లి జైలులో వెలుగు చూసింది పోలిసుల వివరాల ప్రకారం.., రాములు అనే ఖైదీ ఓ కేసులో దోషిగా జైలు శిక్ష అనుభవిస్తున్నాడు. ఈ క్రమంలో అప్పుడప్పుడూ భర్తను చూసేందుకు రాములు భార్య జైలుకు వచ్చేది. అలా ఓ సారి రాములు భార్య నంబర్ తీసుకున్న వార్డర్ వెంకన్న ఆమెకు తరుచుగా ఫోన్ చేయటం మొదలు పెట్టాడు. అసభ్యంగా మాట్లాడటం, తాను చెప్పినట్లు వినాలని ప్రలోభపెట్టడం వంటివి చేశాడు. ఈ విపరీత ప్రవర్తన ఈ మద్య మరీ ఎక్కువైంది.

వెంకన్న వ్యవహారంపై ఈ మద్య జైలుకు వచ్చిన సమయంలో రాములుకు అతని భార్య తెలిపింది. దీంతో వార్డర్ ప్రవర్తనపై రాములు జైలు ఉన్నతాధికారులను కలిశాడు. అయితే వారి నుంచి ఎలాంటి స్పందన రాలేదు. దీంతో కుషాయిగూడ పోలిసులకు ఫిర్యాదు చేశాడు. కంప్లయింట్ అందుకున్న పోలిసులు ఆరోపణలపై ధర్యాప్తు చేస్తున్నారు. అయితే వెంకన్న ప్రవర్తనపై ఇతర ఖైదీలు ఆగ్రహం వ్యక్తం చేస్తున్నారు. జైళ్లో ఒంటరిగా ఉన్న తమను చూడటానికి వచ్చే  కుటుంబ సభ్యులను వివిధ కారణాలతో ఇలా వేధించటం సరికాదు అని మండిపడుతున్నారు.

 

కార్తిక్