సినిమాటోగ్రాఫర్ అశోక్ కన్నుమూత

Posted: 10/22/2014 09:02 AM IST

ప్రముఖ సినిమాటోగ్రాఫర్ అశోక్ కుమార్ అగర్వాల్ ఇక లేరు. కొద్దికాలంగా అనారోగ్యంతో బాధపడుతున్న ఆయన బుధవారం తుదిశ్వాస విడిచారు. అశోక్ కు చెన్నై, హైదరాబాద్ నగరాల్లోని పలు ఆస్పత్రుల్లో చికిత్స అందించి.., కొద్ది రోజుల క్రితమే ఇంటికి తీసుకువచ్చారు. ఈ లోగానే ఆయన లోకాన్ని విడిచివెళ్ళారు. సౌత్ ఇండియన్ సినిమాటోగ్రాఫర్ దిగ్గజ మరణ వార్తను ఆయన కుటుంబ సభ్యులు వెల్లడించారు. దక్షిణ భారత సినీ పరిశ్రమలోనే సినిమాటోగ్రఫీలో అశోక్ దిగ్గజంగా నిలిచారు.

జీన్స్ వంటి సినిమాలు అశోక్ కెమెరా నుంచి వచ్చినవే. 1980లో 'నజాతై కిల్లాతె' అనే తమిళ చిత్రానికి ఉత్తమ సినిమాటోగ్రాఫర్గా జాతీయ అవార్డు అందుకున్నారు. 1988లో తెలుగులో సంచలన విజయం సాధించిన ప్రేమకథా చిత్రం 'అభినందన' సినిమాకు కెమెరామెన్ గా ఉన్నారు. ఇక  హిందీలో సచ్చాప్యార్, ఇంగ్లీషులో బ్యాక్ వాటర్స్ సినిమాలకు కూడా సినిమాటోగ్రాఫర్గా వ్యవహరించారు. ఇలా వివిధ భాషల్లో భారతీయ సినిమా దిగ్గజాలతో అశోక్ కలిసి పనిచేశారు. అశోక్ మరణించారన్న విషయం తెలుసుకున్న సినీ ప్రముఖులు విచారం వ్యక్తం చేశారు.

 

కార్తిక్