‘కాంగ్రెస్’ది కుక్కజాతే.. మరీ ‘టీఆర్ఎస్’ది ఏ జాతి? డిమాండ్!

Posted: 10/07/2014 09:16 PM IST

ప్రస్తుత తెలంగాణ రాష్ట్రంలో వున్న కరెంట్ సంక్షోభానికి సంబంధించి పార్టీల మధ్య విమర్శలు తారాస్థాయికి చేరిపోతున్నాయి. కాంగ్రెస్ పార్టీ హయాంలో వున్నప్పుడు ఉమ్మడి రాష్ట్రాల్లో విద్యుత్ కోతలు అస్సలు లేవంటూ ఆ పార్టీ నేతలు డప్పులు వాయించుకుంటూ.. టీఆర్ఎస్ పార్టీతో సవాల్ చేస్తున్నారు. ఈ నేపథ్యంలోనే కాంగ్రెస్ మాజీ ఎమ్మెల్సీ షబ్బీర్ అలీ మాట్లాడుతూ.. కరెంట్ సమస్యపై మంత్రి కేటీఆర్ తో బహిరంగ చర్చకు సిద్ధమని ఆయన అన్నారు. కాంగ్రెస్ హయాంలో విద్యుత్ ఉత్సాదనతో చర్చించేందుకు తాను సిద్ధమని ఆయన ప్రకటించారు. ఈ లెక్కలో నిజం తేలితే ఎవరు ముక్కును నేలకు రాస్తారో చర్చ తర్వాత తేలిపోతందని ఆయన వెల్లడించారు.

విద్యుత్ సంక్షోభం వల్ల ఆత్మహత్యలు చేసుకుంటున్న రైతులకు భరోసా ఇవ్వడంలో కేసీఆర్ సర్కార్ పూర్తిగా విఫలమైందని ఆయన విమర్శించారు. విభజన చట్ట ప్రకారం కృష్ణపట్నం పవర్ ప్రాజెక్ట్ నుంచి 440 మెగావాట్ల విద్యుత్ తేవడంలో కేసీఆర్ విఫలమయ్యారని, ప్రజలకు తప్పుడు హామీలతో వారిని మభ్యపెడుతున్నారని ఆయన ఆక్షేపించారు. ప్రజలకు విశ్వాసంగా వుండటంలో కాంగ్రెస్ నేతలది కుక్కు జాతే... మరి మీది ఏ జాతో సీఎం కేసీఆర్ చెప్పాలని ఆయన డిమాండ్ చేశారు. ప్రజలకు ఇచ్చిన హామీలను పూర్తి చేయడం చేతకాక అనవసరంగా కాలక్షేపం చేస్తూ.. తప్పుడు హామీలతో ప్రజల విశ్వాసాన్ని దోచుకుంటున్నారంటూ ఆయన ధ్వజమెత్తారు.

AS