మెదక్ లో తల్లి, కూతురిపై రాత్రి అత్యాచారం

Posted: 10/04/2014 11:47 AM IST

మెదక్ జిల్లాలో దారుణం జరిగింది. దసరా పండగ రోజైన శుక్రవారం రాత్రి ఓ తల్లి, కూతురిపై దుండగులు అత్యాచారంకు పాల్పడ్డారు. జిల్లాలోని దుబ్బాక మండలం రామక్కపేటకు చెందిన ఇంటర్ విద్యార్థిని సమీపంలో జరిగిన రావణదహన కార్యక్రమంను చూసి ఇంటికి బయల్దేరింది. చీకట్లో ఇంటికి తిరిగివస్తుండగా.., మార్గమద్యలో అడ్డగించిన దుండగులు యువతిని నిర్మానుష్య ప్రదేశంలోకి తీసుకెళ్ళి అత్యాచారం చేశారు. అనంతరం బాలికను అక్కడే వదిలేసి అమ్మాయి ఇంటికి వెళ్ళారు.

మీ కూతురు ఊరి దగ్గర కిందపడిపోయింది అని బాధితురాలి తల్లికి చెప్పారు. దీంతో ఖంగారుపడ్డ బాలిక తల్లి వెంటనే వారితో బయల్దేరింది. ఆమెపై కూడా బలవంతంగా అత్యాచారం చేసి అక్కడినుంచి పరారయ్యారు. ముఖాలకు మాస్కులు వేసుకుని ఈ దారుణానికి ఒడిగట్టినట్లు బాధితురాలు తెలిపింది. శనివారం ఉదయం గ్రామ సర్పంచ్ కు ఫిర్యాదు చేసింది. విషయం తెలుసుకున్న పోలిసులు ఘటనపై విచారణ జరుపుతున్నారు. తల్లీకూతురుపై జరిగిన అఘాయిత్యం  పట్ల గ్రామస్తులు విచారం వ్యక్తం చేస్తున్నారు. దారుణానికి పాల్పడ్డవారిని శిక్షించాలని డిమాండ్  చేస్తున్నారు.

 

కార్తిక్