తమిళనాడులో ఉద్రిక్తలు, పోలీసులు లాఠీచార్జ్..

Posted: 09/27/2014 01:45 PM IST

అక్రమ ఆస్తుల కేసులో బెంగళూరు ప్రత్యేక కోర్టు తమిళనాడు ముఖ్యమంత్రి జయలలితను దోషిగా తేల్చిన నేపథ్యంతో ఇటు తమిళనాడు, అటు కర్ణాటక రెండు రాష్ట్రాలలో తీవ్ర ఉద్రిక్తత నెలకొంది. ఆదాయానికి మించిన ఆస్తులు వున్నాయని కోర్టు నిర్ధారించింది. తమ అధినేత్రిని దోషిగా నిర్ధరించడంపై ఏఐఏడీఎంకే శ్రేణులు తీవ్ర దిగ్భ్రాంతికి గురయ్యాయి. కోర్టు తీర్పు నేపథ్యంలో బెంగళూరు ప్రత్యేక కోర్టు వద్దకు భారీ సంఖ్యలో చేరుకున్న అన్నాడీఎంకే పార్టీ శ్రణులు కోర్టు తీర్పుతో హతశులయ్యారు.

కోర్టు తీర్పుతో దిగ్ర్భాంతికి గురైన పార్టీ శ్రేణులు తీర్పుకు వ్యతిరేకంగా నినాదాలు చేయడంతో వారిపై పోలీసులు లాఠీలు ఝుళిపించారు. అటు తమిళనాడు, కర్ణాటకలోని .హోసూరు ప్రాంతంలో డీఎంకే- అన్నా డీఎంకే కార్యకర్తల మధ్య ఘర్షణ జరిగింది. దీంతో పోలీసులు లాఠీ ఛార్జి చేశారు. ఈ కేసులో జయలలితతో పాటు ఆమె ఒకనాటి ప్రాణ స్నేహితురాలు శశికళ నటరాజన్, ఇలవరసిలను కూడా కోర్టు దోషులుగా నిర్ధారించింది.

న్యాయస్థానం తీర్పు నేపథ్యంలో ఎలాంటి అవాంఛనీయ ఘటనలు చోటు చేసుకోకుండా సుమారు లక్ష మంది పోలీసు బలగాలను అధికారులు మోహరించారు. పటిష్ఠమైన బందోబస్తు మధ్య బెంగళూరులోని ఓ జైల్లో ఏర్పాటుచేసిన ప్రత్యేక కోర్టుకు  చేరుకన్న తమళనాడు ముఖ్యమంత్రి జయలలిత మీడియాతో మాట్లాడుతూ.. తనపై ఆగర్భ ప్రత్యర్థి డీఎంకే పన్నిన రాజకీయ కుట్రగా అభివర్ణించారు. ఇక తీర్పు నేపథ్యంలో డీఎంకే నాయకుడు స్టాలిన్.. తన తండ్రి కరుణానిధి నివాసానికి చేరుకున్నారు. తీర్పు ఎలా స్పందించాలన్న అంశంపై ఆయన తండ్రితో చర్చించారు.

జి.మనోహర్