డ్రైవర్ నిర్లక్ష్యం 22 మంది ప్రాణాలను బలిగొంది

Posted: 09/24/2014 02:41 PM IST

హిమాచల్ ప్రదేశ్ లో బిలాస్ పూర్ జిల్లాలో ప్రయాణికులతో వెళ్తున్న ఓ ప్రైవేట్ బస్సు ఘోర ప్రమాదానికి గురైంది. కిక్కరిసిన ప్రయాణికులతో వెళ్తునన బస్సు ప్రమాదవశాత్తు అదుపుతప్పి గోవింద్ సాగర్ రిజర్వాయర్ లో పడిపోయింది. ఈ దుర్ఘటనలో 22 మంది ప్రయాణికులు అక్కడికక్కడే మరణించారు. బస్సులోని మిగతా ప్రయాణికులంతా గాయపడ్డారని జిల్లా ఎస్పీ అశోక్ కుమార్ తెలిపారు. రిజర్వాయర్ లో పడిపోయిన బస్సులో నుంచి ప్రయాణికులను బయటకు తీసేందుకు సహాయక చర్యలు కొనసాగుతున్నాయని చెప్పారు.

ప్రమాదం జరిగిన సమయంలో బస్సులో ఎంత మంది ప్రయాణికులు ఉన్నారనేది తెలియదని చెప్పారు. రుషికేష్ నుంచి బిలాస్ పూర్ పట్టణానికి వెళ్తుండగా ఈ ప్రమాదం చోటు చేసుకుందని ఆయన వివరించారు. బస్సులో ప్రయాణికులంతా స్థానికులేనన్నారు. కాగా ప్రమాదానికి డైవర్ నిర్లక్ష్యమే కారణమని తెలుస్తోందన్నారు. బస్సు నిండా ప్రయాణికులను ఎక్కించుకుని ఘాట్ రోడ్డులో ప్రయాణించమే ప్రమాదానికి దారి తీసి వుండవచ్చునని అనుమానిస్తున్నారు.

జి మనోహర్