నేను పార్టీ మారను.. టీడీపీలోనే కొనసాగుతాను..

Posted: 09/23/2014 04:09 PM IST

తాను పార్టీ మారేందుకు రంగం సిద్దం చేసుకన్నట్లు వచ్చిన వార్తలను టీడీపీ సినియర్ నేత ఎర్రబెల్లి దయాకర్ రావు తోసిపుచ్చారు. నేనుపార్టీ మారను.. టీడీపీలోనే కొనసాగుతానంటూ క్లారిటీ ఇచ్చారు. తెలంగాణ ముఖ్యమంత్రి కేసీఆర్ ను తాను కలవడంలో తప్పేమీ లేదని సమర్థించుకుంటూనే.. కలిశానని చెప్పారు. అయితే మీడియా రాసినట్లు కేసీఆర్ ను తాను అర్థరాత్రి కలవలేదని తెలిపారు. ఆదివారం సాయంత్రం 15 మంది ప్రముఖులతో పాటు తాను కేసీఆర్ ను కలిసినట్టు చెప్పారు.

ఒక సామాజిక వర్గాన్ని టార్గెట్ చేయడం మంచిది కాదని, దీనివల్ల పార్టీకి నష్టం జరుగుతుందని హెచ్చరించిన ఆయన.. ఈ విషయాన్ని తమ పార్టీ అధినేత చంద్రబాబు దృష్టికి తీసుకెళ్లినట్టు చెప్పారు. ఆదివారం సాయంత్రం సీఎం కేసీఆర్ ను కలిశానని చెప్పిన ఎర్రబెల్లి దయాకరరావు.. సోమవారం కాకుండా మంగళవారం మీడియా ముందుకు వచ్చి వివరణ ఇవ్వడంలో ఆంతర్యమేమిటన్న ప్రశ్నలు కూడా వినబడుతున్నాయి

జి.మనోహర్