బంజారాహిల్స్ లో బట్టలు విప్పిన నేపాలి అరెస్టు

Posted: 09/10/2014 11:36 AM IST

Man arrested for indecent behaviour with school girls

బట్టలు విప్పేసి బడికి వెళ్లే విద్యార్థినుల పట్ల అసభ్యంగా ప్రవర్తించిన నేపాలి యువకుడు కటకటాల పాలయ్యాడు. బంజారాహిల్స్ రోడ్ నెం.7లో ఉండే గవర్నమెంట్ స్కూల్ లో చదువుకునే అమ్మాయిలు స్థానిక రోడ్ నెం.10 నుంచి రోజు పాఠశాలకు వెళ్లేవారు. ఈ ప్రాంతంలోనే ఉండే దీపక్ అనే నేపాలి యువకుడు తన అనుచరులతో కలిసి అమ్మాయిలను నిత్యం వేధించేవాడు. ఒంటిపై ఉన్న బట్టలు తీసేసుకుని వారి ముందు నగ్నంగా నిలుచుని తనని చూడమంటూ అసభ్యంగా ప్రవర్తించేవాడు. కొన్ని రోజుల పాటు మౌనంగా వేధింపులు భరించిన విద్యార్థినులు లాభం లేదనుకుని స్కూల్ లో టీచర్లకు చెప్పారు.

విద్యార్థినుల బాధపై గవర్నమెంట్ స్కూల్ టీచర్లు బంజారాహిల్స్ పోలిసులకు ఫిర్యాదు చేశారు. వెంటనే రంగంలోకి దిగిన పోలిసులు.., నగ్నంగా విద్యార్థినులను వేధిస్తున్న ఆకతాయి దీపక్ అరెస్టు చేశారు. అతనిపై ఈవ్ టీజింగ్, లైంగిక వేధింపులు, అసభ్య ప్రవర్తన, న్యూసెన్స్ సహా ఇతర అభియోగాల ప్రకారం కేసులు పెట్టినట్లు తెలుస్తోంది. రోజూ తమను వేధించే ఆకతాయికి పోలిసులు బుద్ధి చెప్పటం పట్ల స్కూల్ విద్యార్థినులు సంతోషం వ్యక్తం చేస్తున్నారు. అటు ఆకతాయిల ఆగడాలు, అమ్మాయిలను వేధించే వ్యక్తుల గురించి సమాచారం ఇవ్వటంలో ఆలస్యం చేస్తే ఊహించని నష్టం జరిగే ప్రమాదముందని పోలీసులు హెచ్చరిస్తున్నారు. చెడును ఆదిలోనే తుంచేయాల్సిన అవసరం ఉందంటున్నారు.

కార్తిక్