ఐఏఎస్ ల విభజన పూర్తి.. లిస్ట్ విడుదల

Posted: 08/22/2014 04:11 PM IST

Ias distribution between telangana andhrapradesh is completed

ఎట్టకేలకు రెండు రాష్ర్టాల మద్య ఐఏఎస్ ల విభజన పూర్తయింది. ఉన్నతాధికారుల్లో ఉత్కంఠను రేపిన ఈ విభజన రోస్టర్ పద్దతి ప్రకారం జరిగింది. ఈ విభజన కోసం ఏర్పడ్డ ప్రత్యూష్ సిన్హా కమిటీ దగ్గరుండి విభజనను సమీక్షించింది. 13:10 నిష్పత్తిలో ఏపీకి 211 మంది ఐఏఎస్ అధికారులు, తెలంగాణకు 163 మందిని కేటాయించారు. కేవలం బయటి రాష్ర్ట కేడర్ కు చెందిన ఐఏఎస్ లను మాత్రమే విభజించారు. ఇందులో తెలంగాణ సీఎస్ గా ఉన్న రాజీవ్ శర్మ తిరిగి తెలంగాణకే కేటాయించబడ్డారు. ఆయనతో పాటు సీఎం ఓఎస్డీగా ఉన్న స్మితా సబర్వాల్, అజయ్ మిశ్రా, రాహుల్ బొజ్జా. సంజయ్ కుమార్, అనిల్ సింఘాల్, వీనా ఈష్, ఏకే ఫరీదా తెలంగాణకు కేటాయించబడ్డారు. వీరితో పాటు ఏపికి చెందిన టీటీడీ ఈవో ఎంజీ గోపాల్, రాజేశ్వర్ తివారి, జీఎస్ ప్రసాద్, శాంత కుమారి కూడా తెలంగాణకే కేటాయించబడ్డారు.

ఇక ఏపీ విషయానికొస్తే సతీష్ చంద్ర, అజయ్ జైన్, ఎస్.ఎస్.వి మహంతి, శ్వేతను ఏపీకి విభజించారు. అయితే ఇదే తుది విభజన కాదు కేవలం ముసాయిదా మాత్రమే. ఈ విభజనపై అభ్యంతరాలను తెలుసుకునేందుకు మరో వారం రోజులు గడువు ఇచ్చారు. ఆ తర్వాత అభ్యంతరాల పరిశీలన జరిపి తిరిగి అధికారుల తుది విభజన జరుగుతుంది. ఆ తర్వాత నివేదికను ప్రధాని ఆమోదిస్తే.., ఆయా రాష్ర్టాలకు ఉన్నతాధికారుల పంపిణీ పూర్తవుతుంది. ఎవరికి కేటాయించబడ్డ అధికారులకు ఆ రాష్ర్ట ప్రభుత్వం అపాయింట్ మెంట్ నోటిఫికేషన్ ఇస్తుంది. రెండు రాష్ర్టాల మద్య ఐఏఎస్ ల విభజన జరిగినా ఇంకా రెండు రాష్ర్టాల్లో అధికారుల కొరత ఉంది. ప్రస్తుతం విభజనలో ఆయా రాష్ర్టాలకు వచ్చిన వారికి ఒకటి కంటే ఎక్కువ శాఖలను కేటాయిస్తారు.

కార్తిక్