KCR, విద్వేషాలు రెచ్చగొట్టేవిధంగా మాట్లాడొద్దు: PAWAN KALYAN

Posted: 08/22/2014 04:05 PM IST

ప్రముఖ సినీ నటుడు, జనసేన వ్యవస్థాపకుడు పవన్ కళ్యాణ్ బిజెపి అధినేత అమిత్ షా ను కలిశారు. ఈ సందర్భంగా వారి మద్య వివిధ అంశాలు ప్రస్తావనకు వచ్చాయి.బిజెపికి మిత్రపక్షంగా ఆయన కొనసాగుతారా?లేక ఆయన ఒంటరిగా పోటీ చేయడానికి సిద్దం అవుతారా అన్నది తెలియకపోయినా, అమిత్ షా ను కలవడం ద్వారా ఆయన సానుకూల సంకేతాలు పంపించారని అనుకోవాలి.

తెలంగాణలో జరిగిన సర్వే నాడు తన నగరంలో లేనని ప్రముఖ నటుడు, జనసేన వ్యవస్థాపకుడు పవన్ కళ్యాణ్ వివరణ ఇచ్చారు. సర్వేలో ఆయన పాల్గొనకపోవడంపై టిఆర్ఎస్ నేతలు విమర్శలు చేసిన నేపధ్యంలో ఆయన వివరణ ఇచ్చారు.అయితే సర్వే స్వచ్చందం అన్నారు కనుక తాను పాల్గొనలేదని కూడా ఆయన అంటున్నారు. కాగా, పవన్ కళ్యాణ్ సర్వేలో పాల్గొనకపోవడంపై కెసిఆర్ కూడా తీవ్రంగా స్పందించారు. సర్వేలో పాల్గొనకపోవడం సామాజిక నేరమని అన్నారు.

రాష్ట్ర విభజన పూర్తయిన తర్వాత కూడా కెసిఆర్ విద్వేషాలు రెచ్చగొట్టే విధంగా మాట్లాడడం సరి కాదని అన్నారు.

రెండు రాష్ట్రాల మధ్య ద్వేషాలు తగవని, ముఖ్యమంత్రి కెసిఆర్ దక్షత కలిగిన నేతగా పాలన సాగించాలని ఆయన అభిప్రాయపడ్డారు.రెండు రాష్ట్రాల ముఖ్యమంత్రులు ఇంకా ముందుగానే చర్చలు జరిపి ఉంటే బాగుండేదని పవన్ అబిప్రాయపడ్డారు.బిజెపి అద్యక్షుడు అమిత్ షాను కలిసిన తర్వాత ఆయన మాట్లాడారు. మర్యాద పూర్వకంగానే షాను కలిశానని ఆయన చెప్పారు.

మహానగర పాలక సంస్థ (జీహెచ్‌ఎంసీ) ఎన్నికల్లో బిజెపి, తెలుగుదేశం, జనసేన కలిసి పోటీ చేయడంపైనే వీరి మధ్య ప్రధానంగా చర్చ జరిగినట్లు తెలుస్తోంది. సార్వత్రిక ఎన్నికల్లో బిజెపి, టిడిపి పొత్తు పెట్టుకుని పోటీ చేసిన సంగతి తెలిసిందే. ఈ నేపథ్యంలో గ్రేటర్‌ హైదరాబాద్‌ కార్పొరేషన్‌ ఎన్నికల్లోనూ పవన్‌ కళ్యాణ్‌ సేవలను వినియోగించుకోవాలని బిజెపి, టిడిపి భావిస్తున్నాయి. అయితే గ్రేటర్‌ ఎన్నికల్లో జన సేన నేరుగా బరిలోకి దిగుతుందా, లేదా అనేది తెలియదు.

అలాగే బిజెపి, టిడిపి కూటమికి పవన్ కళ్యాణ్ మద్దతు పలుకుతారా అనే అంశంపై కూడా స్పష్టత లేదు. మూడు పార్టీలు కలిసి పోటీ చేస్తే తెలంగాణ రాష్ట్ర సమితి (తెరాస)‌, మజ్లిస్‌లను దీటుగా ఎదుర్కొనవచ్చని అమిత్‌షా, పవన్‌ భేటీలో ఓ అంచనాకు వచ్చినట్లు సమాచారం. ' జిహెచ్ఎంసిలో విజయం సాధించాలంటే కలిసి రావాలని పవన్ కళ్యాణ్‌ను అమిత్‌షా అనునయించినట్లు తెలిసింది. భేటీ అనంతరం పవన్‌ కళ్యాణ్‌ మీడియాతో మాట్లాడారు. రెండు రాష్ట్రాలకు సంబంధించి బిజెపి, జనసే మధ్య ఒక ప్రతిపాదన వచ్చిందన్నారు. ఆ ప్రతిపాదన ఏమిటో ఇప్పుడు బయటపెట్టలేనని చెప్పారు.

 

-------------

Powerstar Pawan Kalyan met BJP president Amit Shah, in what was described as a courtesy call that lasted for about half an hour. PAwan Kalyan was one of the star campaigners for the BJP in the general elections.

The meeting was strictly one-on-one and even senior leaders like the AP unit president of the BJP Hari Babu and the Telangana unit president G. Kishan Reddy waited in an adjacent room at the Paryatak Bhavan, where Mr. Shah and others are staying.