ప్రపంచవ్యాప్తంగా భారత్ కు అరుదైన గౌరవం!

Posted: 08/21/2014 06:30 PM IST

Five indian private companies selected as worlds most innovative companies by forbes

చాలాకాలం తర్వాత మన భారతదేశానికి ఒక అరుదైన గౌరవం లభించింది. ఎప్పుడూ చెత్తచెదారాల రికార్డులతో ప్రపంచవ్యాప్తంగా మొదటి స్థానాన్ని ఆక్రమించే మన ఇండియా... ఈసారి అందరూ గర్వపడేలా ఒక అరుగైన విజయాన్ని సంపాదించింది. ప్రముఖ మీడియా సంస్థ అయిన ఫోర్బ్స్ ప్రపంచంలో క్రియేటివ్ కంపెనీల జాబితాను బుధవారంనాడు విడుదల చేసింది. ఇందులో మన భారతదేశానికి చెందిన ఐదు ప్రముఖ కంపెనీలు స్థానాన్ని దక్కించుకున్నాయి. చాలా కంపెనీలతో పోల్చుకుంటే.. మన కంపెనీల ప్రాతినిథ్యం చాలా ఎక్కువేనని ఈ నివేదిక ద్వారా వెల్లడయ్యింది.

ప్రపంచం మొత్తం అత్యంత వినూత్న కంపెనీలు ఏమున్నాయంటూ సర్వే నిర్వహించిన ఫోర్బ్స్.. మొత్తం 100 కంపెనీలను తన జాబితాలో తీసుకుంది. ఈమేరకు వరల్డ్స్ మోస్ట్ ఇన్నోవేటివ్ కంపెనీలు ఇవేనంటూ తాజాగా ఒక లిస్ట్ ను విడుదల చేసింది. అందులో మన భారతదేశానికి ఐదు కంపెనీలు వున్నాయి. అవి..

1. హిందుస్థాన్ యూనిలీవర్ (14వ స్థానం),
2. టాటా కన్సల్టెన్సీ సర్వీసెస్ (టీసీఎస్) (57వ స్థానం),
3. కనస్ట్రక్షన్ సర్వీసెస్ ఫర్మ్ లార్సన్ అండ్ టూబ్రో (ఎల్ అండ్ టీ) (58వ స్థానం),
4. సన్ ఫార్మా ఇండస్ట్రీస్ (65వ స్థానం),
5. బజాజ్ ఆటో (96వ స్థానం)

ఇలా ర్యాంకులు సాధించాయి. కాగా తొలిస్థానంలో కాలిఫోర్నియాకు చెందిన ‘'గ్లోబల్ క్లౌడ్ కంప్యూటింగ్ కంపెనీ సేల్స్ ఫోర్స్' వరుసగా నాలుగోసారి నిలిచింది. ఏదిఏమైనా.. భారత్ కు ఈసారి చాలా మంచి గౌరవమే లభించిందని మనం సంబర పడిపోవచ్చు.