ఇస్లామాద్ లో ఎమర్జెన్సి విధింపు

Posted: 08/20/2014 09:41 AM IST

పాకిస్థాన్ రాజధాని ఇస్లామాబాద్ లో తీవ్ర ఉద్రిక్త పరిస్థితులు నెలకొన్నాయి. ప్రధాని నవాజ్ షరీఫ్ రాజీనామా చేయాలంటూ ప్రతిపక్ష నేత ఇమ్రాన్ ఖాన్ చేపట్టిన ఆందోళనలు తీవ్రం అయ్యాయి. ఇమ్రాన్, రాజకీయ వేత్త ఖాద్రీ మద్దతుదారులు పెద్ద ఎత్తున ప్రభుత్వానికి వ్యతిరేకంగా నిరసనలు చేపడుతున్నారు. ఆందోళనకారులు రెడ్ జోన్ లోని పార్లమెంటు వైపుకు బయల్దేరటంతో పోలిసులు అప్రమత్తమయ్యారు. దాదాపు నలబైవేల మంది సైనిక బలగాలను రెడ్ జోన్ ప్రాంతంలో మోహరించారు. పార్లమెంటు సహా ఇతర ఏ భవనాల్లోకి ఆందోళనకారులు వెళ్లవద్దని, శాంతియుతంగా నిరసనలు తెలపాలని ఇమ్రాన్ ఖాన్ పిలుపునిచ్చారు.

నవాజ్ షరీఫ్ ప్రధాని అయిన తర్వాత పాక్ పరిస్థితులు మరింత దుర్బరం అయ్యాయని పీటీఐ నేత ఇమ్రాన్ ఖాన్ ఆరోపిస్తున్నారు. దేశ ప్రగతి మాట అటుంచితే సమస్యలు మరింత పెరిగాయని మండిపడుతున్నారు. చేతగాని ప్రభుత్వం గద్దె దిగాలని ఆయన డిమాండ్ చేస్తున్నారు. ప్రభుత్వం వైదొలిగే వరకు తమ ఆందోళనలు కొనసాగుతాయన్నారు. ఆందోళన నేపథ్యంలో ఇస్లామాబాద్ లో ప్రభుత్వం అత్యవసర పరిస్థితి విధించింది. వేరే నగరాల నుంచి రాజధానికి రాకపోకలపై ఆంక్ష్లు విధించింది. ఆగస్టు 15న ఇమ్రాన్ ఖాన్ మద్దతుదారులతో ఆజాదీ మార్చ్ నిర్వహించారు. ఈ మార్చ్ సందర్బంగా ఖాన్ పై హత్యాయత్నం జరిగింది.

 

 

కార్తిక్