రామోజీ ఫిల్మ్ సిటీని లక్ష నాగళ్లతో దున్నుతానన్నావ్!

Posted: 07/31/2014 05:35 PM IST

రామోజీ ఫిల్మ్ సిటీని లక్ష నాగళ్లతో దున్నుతానని గతంలో కెసిఆర్ ఉద్రేకంగా ప్రకటించారు.

తెలంగాణ ముఖ్యమంత్రి కె.చంద్రశేఖరరావుపై నిజామాబాద్ మాజీ లోక్ సభ సభ్యుడు మధుయాష్కి ఫైర్ అయ్యారు. రామోజీ ఫిల్మ్ సిటీని లక్ష నాగళ్లతో దున్నుతానని గతంలో ప్రకటించిన కెసిఆర్ ఇప్పుడు ఎందుకు మాట్లాడడం లేదని ఆయన ప్రశ్నించారు.సానియా మీర్జాకు కోటి రూపాయలు ఇచ్చిన కెసిఆర్,తెలంగాణ అమరవీరుల కుటుంబాలకు మాత్రం పుష్పగుచ్చాలు ఇచ్చి సరిపెడుతున్నారని యాష్కి వ్యాఖ్యానించారు.

సిమెంటు ధరల పెరుగుదల వెనుక ఎవరు ఉన్నారో త్వరలోనే తేలుతుందని ఆయన అన్నారు. పోలవరం ప్రాజెక్టు ముంపు ప్రాంతాల విషయంలో ఎందుకు అఖిలపక్షం నిర్వహించలేదని యాష్కి ప్రశ్నించారు.ప్రతిదానికి కమిటీల పేరుతో కాలయాపన చేస్తున్నారని మధు యాష్కి ధ్వజమెత్తారు.

కాంట్రాక్టు ఉద్యోగులను పర్మనెంట్ చేసే విషయంలో ఓయూ విద్యార్థులు ఆందోళన చేస్తే లాఠీచార్జి చేయించడం, ప్రభుత్వ విధానాలను ప్రశ్నిస్తే.. చిల్లర పార్టీలంటూ ఎదురుదాడికి దిగడం, తెలంగాణలో రెండు టీవీ చానళ్ల ప్రసారాలను నిలిపివేయడం వంటి చర్యలు కేసీఆర్ అహం కార ధోరణికి నిదర్శనమన్నారు.

టీఆర్‌ఎస్ నేతలతో నీతులు చెప్పించుకునే స్థితిలో కాంగ్రెస్ లేదని, హద్దుమీరి మాట్లాడితే సహించబోమని హెచ్చరించారు. ఎన్నికల హామీలన్నింటినీ అమలు చేయాలని ప్రభుత్వాన్ని డిమాండ్ చేశారు.

--------------
KCR had earlier pledged to recover the lands of Ramoji Film City accusing the media baron Ramoji of encroaching them illegally