‘‘యాపిల్’’ కి వెన్నెముక భారతీయులేనట!

Posted: 07/28/2014 02:35 PM IST

స్మార్ట్ ఫోన్ల విషయంలో అత్యంత ప్రభావాత్మకమైన కంపెనీగా పేరు తెచ్చుకున్న ‘‘యాపిల్’’ కంపెనీకి ప్రపంచవ్యాప్తంగా ఎంత క్రేజుందో అందరికీ తెలిసిందే! ఆ కంపెనీ నుంచి విడుదలయ్యే ఐఫోన్లు, ఐప్యాడ్ లు వంటివి మార్కెట్ లో రిలీజైన వెంటనే పోటీపడి మరీ అమ్ముడుపోతుంటాయి. కొంతమంది ఈ యాపిల్ కంపెనీకి పిచ్చఫ్యాన్స్ కూడా వున్నారు. అందులో ముఖ్యంగా ఐఫోన్లు అంటే మరీ దారుణంగా పడిచచ్చేవాళ్లు వున్నారు.

ఇంతటి భారీ ఫాలోయింగ్ వున్న ఈ కంపెనీ మాత్రం భారతీయుల వెంట పడుతోందని తాజా గణాంకాలు చెబుతున్నాయి. ఈ స్మార్ట్ ఫోన్ దిగ్గజ కంపెనీకి భారతీయ ఉద్యోగులే వెన్నెముక అని వారు ఆ లెక్కలు పేర్కొంటున్నాయి. ఎందుకంటే.. ఈ కంపెనీలో పనిచేస్తున్న ప్రతి ముగ్గురిలోనూ ఒకరు భారతీయులు వున్నారని అవి తేల్చి చెబుతున్నాయి. ఈ కంపెనీలో ఇంజనీరింగ్ విభాగం నుంచి మార్కెటింగ్ విభాగం వరకూ భారతీయ ఉద్యోగులే కీలకపాత్ర పోషిస్తున్నారని సర్వేలు స్పష్టం చేస్తున్నాయి.

యాపిల్ ప్రధాన కేంద్రం అయిన అమెరికాలో 47,000మంది ఉద్యోగులు పనిచేస్తున్నారు. అలాగే ప్రపంచవ్యాప్తంగా 7,700 మంది ఉద్యోగులు కస్టమర్ సర్వీస్ ఆపరేటర్లుగా వున్నారు. వీరితోపాటు మరో 27,350 మంది ఉద్యోగస్తుల యాపిల్ కంపెనీ స్టోర్లలో పనిచేస్తున్నారు. అంటే ప్రపంచవ్యాప్తంగా యాపిల్ కంపెనీలో పనిచేస్తున్నవారు 80,000 మంది ఉద్యోగులు వుండగా.. అందులో మూడోవంతు మన భారతీయులే వున్నారట! అంటే దాదాపు పాతికవేల మంది వరకు యాపిల్ కంపెనీలో మన ఇండియన్సే!

యాపిల్ కంపెనీకి అప్లికేషన్ డెవలప్ మెంట్, వాటి నిర్వహణ, బిజినెస్ ఇంటెలిజెన్స్, డేటా వేర్ హౌసింగ్, డేటా ఎనాలసిస్ లలో భారతీయులే మూలధారమని ప్రస్తుత గణాంకాలు తేల్చి చెబుతున్నాయి. యాపిల్ కంపెనీ నిర్వాహకులు కూడా తమ సంస్థలో భారతీయుల్ని భుజాన ఎత్తుకుని పూజిస్తున్నారని కొంతమంది పేర్కొంటున్నాయి. ప్రపంచాన్ని తన టెక్నాలజీతో అదుపులో వుంచుకున్న అటువంటి యాపిల్ కంపెనీలో.. మన భారతీయులు ప్రధాన పాత్ర పోషించడం ఎంతో విశేషమైన విషయమే! ‘‘దటీజ్ ఇండియా’’!

AS