చిన్నారి గ్యాంగ్ రేప్ పై సిఎం విచిత్ర కామెంట్స్!

Posted: 07/23/2014 09:43 AM IST

గత వారం బెంగుళూరు లో విబిజియార్ స్కూల్ సిబ్బంది.. ఆరు సంవత్సాల చిన్నారి పై గ్యాంగ్ రేప్ చేసిన విషయం పై బెంగుళూరులో నిరసనలు మొదలైన విషయం తెలిసిందే. ఈ సంఘటనపై జాతీయ స్థాయిలో నిరసనలు వ్యక్తం మవుతున్నాయి. అయితే చిన్నారి గ్యాంగ్ రేప్ పై కర్ణాటక ముఖ్యమంత్రి సిద్దరామయ్య విచిత్ర కామెంట్స్ చేయటం , నిరసనలకు ఆజ్యం పోసినట్లు అయ్యింది.

చిన్నారి రేప్ పై నిరసన తెలుపుతున్న వారి పై ముఖ్యమంత్రి సిద్దరామయ్య తీవ్రస్థాయిలో పండిపడ్డాడు. విద్యార్థుల తల్లిదండ్రులపై ఆగ్రహం వ్యక్తం చేయటం జరిగింది. మీకు పని పాట లేదా? ఎందుకు నిరసనలు చేస్తున్నారు అంటూ ఆవేశంతో ఊగిపోయారు. ఇక మీడియాపై అయితే.. ‘‘మీకు రేప్ వార్తలు తప్పితే.. మంచి వార్తలు రాయారా’’? అంటూ సిఎం సిద్దరామయ్య మీడియాపై నిప్పులు చెరిగారు.

ఇటీవల కాలంలో అధికారం వచ్చిన తరువాత అడ్డదిడ్డంగా మాట్లాడే రాజకీయ నాయకులు రోజు రోజు పెరిగిపోతున్నారు. నిన్న ఉత్తరప్రదేశ్ గవర్నర్ కూడా రేపులు ఆపటం మా వల్ల కాదు.. ఆ దేవుడే దిగి వచ్చిన ..ఈ రేపుల్ని ఆపలేరని మీడియా ముందు అన్న విషయం తెలిసిందే. ఇలాంటి రాజకీయ నాయకులు రేఫిస్టులకు అండగా ఉంటే.. ఇక మహిళలకు రక్షణ ఎక్కడ ఉంటుందని మహిళ సంఘాలు అంటున్నాయి. కర్ణాటక ముఖ్యమంత్రి సిద్దరామయ్య నోటి దురుసుతో.. విద్యార్థుల తల్లిదండ్రులు, విద్యా సంఘాలు, మహిళ సంఘాలు.. తీవ్రస్థాయిలో నిరసనలు తెలుపుతున్నారు. బుధవారం నుంచి పాఠశాలను ప్రారంభించాలని స్కూల్ యాజమాన్యాన్ని ప్రభుత్వం ఆదేశించింది. గ్యాంగ్ రేప్‌పై బెంగళూరులో నిరసనలు కొనసాగుతూనే ఉన్నాయి.

RS