గాల్లోనే ప్రాణాలను వదిలేసుకున్న 250 మంది!

Posted: 07/12/2014 06:31 PM IST

(Image source from: two aeroplanes escapes from clash in india)

ఒకటి పైన... ఇంకొకటి కింద... దారి మాత్రం ఒక్కటే! ఒకటి ల్యాండింగ్ కు సిద్ధంగా వుంటే.. మరొకటి టేకాఫ్ కు సిద్ధమయ్యింది. కానీ అవి రెండు ఒక దారిలోనే వున్నాయి. ఇక ఖేల్ ఖతమ్ దుకాణ్ బంద్. లోపలున్న 250 మంది తమ ప్రాణాలను ఆల్రెడీ గాల్లోకి ఎగరేసుకున్నారు. ఎన్ని ఆశలు పెట్టుకున్న ఎలాగో చనిపోక తప్పదన్న భావంతో అందరూ ఆఖరి శ్వాసను తీసుకుంటున్నారు. కానీ పైలట్ల దైవమా అని... ఆ యాక్సిడెంట్ జరగలేదు. తెలివిగా తమ దిశానిర్దేశాలు మార్చి, తమ ప్రతిభను నిరూపించుకుని, 250 మంది ప్రాణాలను కాపాడిన ప్రాణదాతల్లాగా పేరు సంపాదించారు.

మొన్నామధ్య రష్యా విమానం ఒకటి రన్ వే మీద దిగుతుండగా.. ఇంకొకటి విమానం గాల్లోకి ఎగరడానికి ముందుకు కదిలింది. అయితే ఈ ప్రమాదాన్ని ముందే పసిగట్టిన అధికారులు, పైలట్లు.. విమాన దారులను మళ్లించి ప్రయాణీలకులను కాపాడారు. ఈ సంఘటన ఇంకా మరువకముందే.. అచ్చం ఇటువంటి సంఘటనే మన భారతదేశంలో కూడా చోటు చేసుకుంది.

పశ్చిమ బెంగాల్ రాష్ట్రంలోని బగ్డోరాలో ఇండిగో విమానం టేకాఫ్ కు సిద్ధంగా వుండగా... మరో ఎయిర్ ఇండియా విమానం ల్యాండింగ్ కోసం రన్ వే మీదకు దిగుతోంది. ఆ రెండు విమానాలు దాదాపు ఢీకొట్టుకునే పరిస్థితి చేరిపోయాయి. యాక్సిడెంట్ అవడం ఖాయమని అందరూ నిశ్చయించుకున్నారు. కానీ... అదృష్టవశాత్తూ.. రెండు విమానాల్లో వున్న పైలైట్లు తెలివిగా వ్యవహరించడంతో ఘోర ప్రమాదం రెప్పపాటులోనే తప్పిపోయింది.

రెండు విమానాలకు ఏటీసీ క్లియరెన్స్ ఇవ్వడం వల్లే ఇటువంటి సంఘటన చోటు చేసుకోవడం జరిగిందని ఇండిగో ఎయిర్ లైన్స్ ప్రతినిధి ఒకరు చెబుతున్నారు. ఈ రెండు విమానాల్లో మొత్తం కలిపి 250మంది ప్రయాణికులు వున్నారని.. వారికి ప్రత్యేకంగా సిబ్బంది కూడా అదనంగా వుందని వారు పేర్కొన్నారు.