మహిళ ఎంపీలను రేప్ చేయండి..ఎంపీ?

Posted: 07/01/2014 08:24 AM IST

I will ask our boys to go and rape cpm women tmc mp tapas pal

సాటి పార్లమెంటు మెంబర్లను రేప్ చేయండని ఓ ఎంపీ పిలుపు నివ్వడం రాజకీయాల్లో కలకలం రేపింది. అపోజిషన్ పార్టీ మీద ఎంత కోపమున్నా ఆ పార్టీ మహిళా ఎంపీలను రేప్ చేయండని పిలుపునివ్వడం ఎంత వరకు సమంజసం. ఈ విచిత్రమైన కామెంట్స్ చేసింది పశ్చిమబెంగాల్ కు చెందిన ఓ ఎంపీ. అది కూడా అధికారంలో ఉన్న తృణమూల్ పార్టీకి చెందిన ఎంపీ ఇలాంటి కామెంట్స్ చేయడం ఆ పార్టీకి తలనొప్పిగా మారింది. తృణమూల్ ఎంపీ తపస్ పాల్ ఈ బెదిరింపు కామెంట్స్ చేశాడు. సీపీఎం తమ పార్టీ వర్కర్స్ ను చంపాలని ట్రై చేసినా.. దాడి చేయాలని చూసినా.. చూస్తూ ఊరుకోమన్నారు. సీపీఎం మహిళా ఎంపీలను రేప్ చేయమని తమ కార్యకర్తలకు చెబుతానని అన్నారు.

తృణమూల్ ఎంపీ తపస్ పాల్ ఓ కార్యక్రమంలో ఉపన్యసిస్తూ వివాదాస్పద వ్యాఖ్యలు చేశారు. తపస్ వ్యాఖ్యలపై సీపీఎం నేత, ఐద్వా నాయకురాలు ఎస్.పుణ్యవతి స్పందిస్తూ ఒక మహిళ నాయకత్వంలో ఇలాంటి ప్రకటనలు రావడం సిగ్గు చేటు అని మండి పడ్డారు. తపస్ పాల్ వ్యాఖ్యలు దుర్మార్గమన్నారు. మహిళల మీద దాడి భారత ప్రజాస్వామ్యంపై దాడిగా భావిస్తున్నట్లు తెలిపారు. బెంగాల్ ఎన్నికల్లో ఓటు హక్కు వినియోగించుకున్న మహిళల మీద కూడా అనేక దాడులు చేస్తున్నారని పేర్కొన్నారు.

మమతా బెనర్జీ ఎంపీ తపస్ పై క్రిమనల్ చర్యలు తీసుకోవాలని డిమాండ్ చేశారు. అధికార హోదాలు అనుభవిస్తున్న వారు, రాజకీయ నాయకులు ఈ మధ్యలో మహిళలను కించపరిచే వ్యాఖ్యలు చేయడం తృణమూల్ రాజకీయ పరాకాష్టకు నిదర్శనమని ఆమె అన్నారు. ఖచ్చితంగా తృణమూల్ అధినేత మమతా కనుసన్నలోనే ఎంపి మాట్లాడినట్లు ఆమె తెలిపారు. ఈ ఘటనకు నైతిక బాధ్యత వహిస్తూ ఎంపిపై కఠిన చర్యలు చేపట్టాలని డిమాండ్ చేశారు. అంతే కాకుండా కేంద్ర ప్రభుత్వం కూడా ఎంపిపై క్రిమినల్ కేసు పెట్టి అధికారం నుండి తొలగించాలని ఆమె డిమాండ్ చేశారు.