భాస్కర శతకము

Posted: 04/11/2014 10:42 AM IST

ఆరయ నెంత నెంత నేరుపరియై చరియించిన వాని దాపునన్

గౌరవ మొప్పఁగూర్చు నుపకారి మనుష్యుఁడు లేక మేలు చే

కూర దదెట్లు; హత్తుగడగూడునె, చూడఁబదాఱువన్నె బం

గారములోన నైన వెలిగారము కూడక యున్న భాస్కరా!

టీకా : అరయన్ = విచారించగా ; ఎంత నేరుపరియై = ఎంత నేర్పరి గలవాడైనా ; చరియించినన్ = వ్యవహరించడం ; వాని దాపునన్ = వానికి సమీపంలో ; గౌరవ మొప్పన్ = ఆదరణ ఏర్పడినట్లు ; కూర్చు = కార్యాలు నెరవేర్చు ; ఉపకారి మనుష్యుఁడు = మేలు చేసేవాడు ; లేక = వుండినచో ; మేలు చేకూరదు = లాభం కలగదు ; చూడన్ = విచారించగ ; పదాఱు వన్నె బంగారములోనైనన్ = మేలిమి బంగారమైన ; కూడకయున్నన్ = చేరకపోతే ; హత్తుగడ కూడునె = అతకడం ఏర్పడుట 

భావము : మేలిమి బంగారం అయినా.. సొమ్ములు అతికించడానికి వెలిగారం అవసరమయినట్లు.... ఎంతటి వివేకశాలి అయినా.. ఉపకారాన్ని ఆచరించేవాడొకడు సమీపంలో లేకపోతే.. ఏ కార్యం నిర్వహించబడదు.