జగన్ ఎక్కడికైన వెళ్లవచ్చు కోర్టు

Posted: 10/30/2013 05:49 PM IST

వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డికి సిబిఐ కోర్టు కొన్ని అనుమతులు ఇవ్వటం జరిగింది.

రాష్ట్రమంతటా పర్యటించేందుకు కోర్టు ఆయనకు అనుమతి ఇచ్చింది. అంతేకాకుండా ఆయన ఢిల్లీ వెళ్లేందుకు కూడా కోర్టు అవకాశం కల్పించింది.

 

భారీ వర్షాలు, వరదలకు రాష్ట్రమంతటా తీవ్ర నష్టం జరిగింది. వరద ముంపు ప్రాంతాలలో పర్యటించి బాధితులను పరామర్శించేందుకు అనుమతి ఇవ్వాలని జగన్ తరపున దాఖలు చేసిన పిటిషన్ ను పరిశీలించిన కోర్టు ఆయనకు అనుమతి ఇచ్చింది. దీంతో జగన్ రాష్ట్రమంతటా పర్యటించి బాధితులను పరామర్శించే అవకాశం ఉంది.

 

వైఎస్ జగన్ ఎక్కడికైన వెళ్లొచ్చు అని కోర్టు చెప్పటం తో.. వైఎస్ఆర్ కాంగ్రెస్ నాయకుల్లో కొత్త ఆనందం కనబడుతుంది. అయితే జగన్ ఇప్పుడు ఏ నిర్ణయం తీసుకుంటారోనని అందరు ఎదురు చూస్తున్నారు. జగన్ సమైక్యాంద రాగం పాడుతున్న విషయం తెలిసిదే. ఇలాంటి సందర్భంలో ఢిల్లీ పెద్దలతో జగన్ సమైక్యాంద్ర కోసం ఎలాంటి చర్చలు జరుతోరని సమైక్యవాదులు ఆశగా ఎదురుచూస్తున్నారు. అయితే అరుదుగా వచ్చిన అవకాశాన్ని జాగ్రత్త వినియోగించుకోవాలనే ఉద్దేశంతో వైసీపీ సీనియర్ నాయకులు ప్రణాళికలు సిద్దం చేస్తున్నారు.

 

అయితే జగన్ ఇప్పుడు సమైక్యాంద్రలో పర్యాటన చేస్తారా? లేక తెలంగాణ లో ఆగిపోయిన ఓదార్పు యాత్రను కంటిన్యూ చేస్తారా అనే విషయం తెలియాల్సి ఉంది. మొత్తం జగన్ రాకతో.. వైఎస్ షర్మిల.. విశాంత్రి సెలవులు తీసుకుంటుందనే రాజకీయ విమర్శలు పార్టీలో వినిపిస్తున్నాయి. జగన్ కు కోర్టు ఇచ్చిన అనుమతితో.. రాష్ట్రంలో రాజకీయ పార్టీలకు చెమట్లు పట్టడం ఖాయమాని ఆ పార్టీ నేతలు అంటున్నారు.