అసెంబ్లీ వద్ద శంకరన్న హల్‌చల్

Posted: 06/14/2013 06:44 PM IST

ఛలో అసెంబ్లీ కార్యక్రమంలో కాంగ్రెస్ ఎమ్మెల్యే మాజీ మంత్రి, కంటోన్మెంట్ శాసన సభ్యుడు శంకర రావు హల్ చల్ చేసినట్లు తెలుస్తోంది. తెలంగాణ రాష్ట్ర సమితికి మద్దతు గా ఆయన దూకుడు పెంచినట్లు సమాచారం. చలో అసెంబ్లీ కార్యక్రమానికి శంకరన్న అండగా నిలబడ్డారు. చలో అసెంబ్లీ కార్యమంలో బిజెపి, తెరాస మహిళా నాయకురాళ్లు ఆందోళన చేస్తున్న సమయంలో అప్పుడే అటు వైపు నుండి అసెంబ్లీకి వెళ్తున్న శంకర రావు, ఆందోళన చేస్తున్న మహిళా నాయకులను, కార్యకర్తలను తన వాహనంలో ఎక్కించుకొని, అసెంబ్లీకి తీసుకువెళ్లే ప్రయత్నం చేసే సందర్భంలో పోలీసులకు అడ్డంగా దొరికిపోయారు. శంకరన్న ను బషీర్ బాగ్ చౌరస్తా పోలీసులు ఆపి కారులోకి చూడగా, కారులో కొన్ని రాజకీయ పార్టీల జెండాలు కనిపించటంతో శంకరన్నను పోలీసుల నుండి తప్పించుకోలేక పోయారు. కారులో వివిధ జెండాలు ధరించిన నాయకులను పోలీసులు కిందకు దించేందుకు ప్రయత్నించిగా పోలీసులు చేసే ప్రయత్నాన్ని శంకర రావు అడ్డుకొనే ప్రయత్నాలు చెయ్యటంతో అక్కడ ఉద్రిక్తత పరిస్థితి నెలకోంది.

ఇంతలో మీడియా వారు అక్కడికి రావాటంతో.. శంకరన్న కొంచెం వెనకడుగు వేసినట్లు సమాచారం. పోలీసులు వారిని కిందకు దించి, శంకరన్నను పంపించారు. అయితే శంకరన్న పోలీసులు వైపు సీరియస్ గా చూస్తూ .. జై తెలంగాణ అంటూ, గట్టిగా రెండు సార్లు అరిచి అసెంభ్లీకి వెళ్లిపోయారు. అయితే ఈవిషయం శంకరన్న అసెంబ్లీ వద్ద మీడియాతో మాట్లాడారు తెలంగాణలో అక్రమ అరెస్టులకు ముఖ్యమంత్రి కిరణ్ కుమార్ రెడ్డి, డిజిపి దినేష్ రెడ్డి, పోలీసు అధికారులే బాధ్యత అన్నారు. తెలంగాణవాదుల పైన కాకుండా తెలంగాణకు వ్యతిరేకులపై కూడా కేసులు పెట్టాలన్నారు. చలో అసెంబ్లీ సందర్భంగా ఎవరికైన ప్రాణనష్టం జరిగినా, గాయాలైనా, ప్రభుత్వం పై పిల్ వేస్తానని శంకరరావు అన్నారు. రాష్ట్రంలో నియంత పాలన కొనసాగుతోందన్నారు. శంకరన్న మీడియా ప్రకటన విన్న కాంగ్రెస్ నాయకులు .. త్వరలో మరో విక్కెట్ పడిపోవటానికి సిద్దంగా ఉందని చెప్పుకుంటున్నారు. చెయ్యి వదిలిపెట్టి, కారు ఎక్కటానికే శంకరన్న ఇలాంటి చిల్లర ప్రకటన చేస్తున్నారని కాంగ్రెస్ నాయకులు గాంధీభవన్ లో చెప్పుకుంటున్నారు.