Posted: 12/21/2012 12:19 PM IST

ఢిల్లీలో  వైద్యవిద్యార్థిపై జరిగిన సంఘటనకు యావత్ దేశం నలుముల నుండి  నిరసనలు వెల్లువెత్తాయి.  ఇలాంటీ సంఘటనలపై కఠినమైన శిక్షలు వేయాలని  మహిళ సంఘాలు కోరుతున్నాయి.  ఆ నిందితులకు  జీవితాంతం  కుమిలి పోయే విధంగా  కఠిన శిక్షలు వేయాలని  మహిళమణులు అంటున్నారు.  భవిష్యతుల్లో ఏ మహిళకు ఇలాంటి ఘోరమైన సంఘటన జరగకుండా  ఉండలంటే వారికి తగిన శిక్ష విధాంచాలని మహిళలు  కోరుతున్నారు. అత్యాచారం వంటి నేరాలకు పాల్పడే నిందితులను నపుంసకులుగా( వారిది కోసి చేతిలో...)  చేయాలని జాతీయ మహిళా కమిషన్ చైర్‌పర్సన్ మమతా శర్మ డిమాండ్ చేశారు. దేశ రాజధాని ఢిల్లీలో నడుస్తున్న బస్సులో యువతిపై సామూహిక అత్యాచారం చేయడం సభ్యసమాజం తలదించుకునే ఘటన అని ఆవేదన వ్యక్తం చేశారు. భవిష్యత్‌లో ఇలాంటి ఘోరాలకు మరెవరకూ పాల్పడకుండా కఠిన శిక్ష విధించాలని ఆమె సూచించారు. రేపిస్టులకు కఠిన శిక్షలు పడేలా చట్టాలు రూపొందించాలని ఆమె అన్నారు. ‘ఢిల్లీ దోషులకు ఉరిశిక్షే సరైంది లేదా వారిని నపుంసకులుగా చేయాలి. దీంతో రోజూ కుమిలి కుమిలి ఏడ్వాలి. రేపిస్టులకు కఠినమైన శిక్షలు వేయకపోతే సమాజంలో మహిళలు స్వేచ్ఛగా తిరగలేరు. ఇలాంటి దురాగతాలు మళ్లీ మళ్లీ జరిగే ప్రమాదం ఉంది’ అని ఆమె స్పష్టం చేశారు. ఇరవై మూడేళ్ల పారామెడికల్ విద్యార్థినిపై జరిగిన సామూహిక అత్యాచారం ఘటన ఒక్క ఢిల్లీయే కాక యావత్ దేశం సిగ్గుపడాల్సిన విషయమని ఆమె చెప్పారు.

ఇలాంటి కేసుల విషయంలో శిక్షలు అత్యంత కఠినంగా ఉండాలని శర్మ పేర్కొన్నారు. జాతీయ మహిళా కమిషన్ సభ్యులు, పలు స్వచ్ఛంద సంస్థల ప్రతినిధులు రాజధానిలో సమావేశంలో దీనిపై ఒక తీర్మానం ఆమోదించారు. రేపిస్టులకు కఠిన శిక్షలు పడేలా చర్యలు తీసుకోవాలని కోరుతూ ఏకగ్రీవ తీర్మానం చేశారు. భవిష్యత్‌లో ఇలాంటి సంఘటనలు చోటుచేసుకోకుండా భద్రత చర్యలు చేపట్టాలని అన్నారు. పోలీసు పెట్రోలింగ్ పెంచడంతో పాటు వాహనాలకు నల్లరంగు అద్దాలు తొలగించాలని సమావేశం విజ్ఞప్తి చేసింది. ఇలాంటి సున్నితమైన కేసు విచారణను డిప్యూటీ సూపరింటిండెంట్ స్థాయి అధికారితో జరపించాలని చైర్‌పర్సన్ మమత ప్రభుత్వానికి సూచించారు. ఢిల్లీ సంఘటకు సంబంధించి నెలలోపు తమకు సమగ్ర నివేదిక అందజేయాల్సిందిగా ఆమె ఆదేశించారు. మమత లాంటి వారు ఘోరం జరిగిపోయిన తరువాత మాట్లాడటం కంటే.. ముందే మహిళల గురించి, వారి హక్కులు కోసం పోరాటం చేస్తే  ఇలాంటి సంఘటనలు జరగకుండా ఉండేవని  దేశ మహిళలు అంటున్నారు.  ఇప్పటికే  ఇలాంటి  స్పదించటం  మహిళలకు మంచిదని కొన్ని మహిళ సంఘాలు అంటున్నాయి.