శంకర్ దర్శకత్వంలో పవన్

Posted: 04/10/2013 04:23 PM IST

ఇప్పటి వరకు సూపర్ స్టార్ రజినీ కాంత్ తో ఎన్నో సూపర్ హిట్ చిత్రాలు చేసి రికార్డులు స్రుష్టించిన దర్శకుడు శంకర్  త్వరలో రజినీకాంత్ అల్లుడు ధనుష్ తో ఓ చిత్రం చేయడానికి సన్నాహాలు చేస్తున్నట్లు సమాచారం. సాధారణంగా శకంర్ ఓ ప్రాజెక్టు అయిన తరువాత మరో దాన్ని మొదలు పెడతాడు. కానీ ఈసారి ఓ సినిమా సెట్స్ పై ఉండగానే మరో సినిమా ప్లాన్ చేస్తున్నాడు. ప్రస్తుతం ఈయన తమిళ స్టార్ అయిన విక్రమ్ హీరోగా 100 కోట్ల బడ్జెట్ తో ‘ఐ ’ అనే సినిమా తీస్తున్నాడు. దాన్నే తెలుగులో ‘మనోహరుడు ’ పేరుతో అనువదిస్తున్నారు. ధనుష్ తో తీసే సినిమాకు సంబంధించి కథా చర్చలు పూర్తయ్యాయని, ఏజీఎస్ సంస్థ ఈ సినిమాని నిర్మించబోతుందని సమాచారం. ఈ సినిమాకు సంభందించిన మిగతా వివరాలు కూడా త్వరలో వెల్లడిస్తారని అంటున్నారు. అయితే కొందరు మాత్రం రజినీకాంత్ రికమెండ్ చేస్తేనే ధనుష్ తో సినిమా చేయడానికి శంకర్ ఒప్పుకున్నాడని కూడా అనుకుంటున్నారు.