Pawan Kalyan Trivikram Movie Shooting In Hyderabad

Posted: 02/07/2013 03:16 PM IST

       pawan_movie_working_stills పొల్లాచ్చి వెళ్లాల్సిన పవన్ కల్యాణ్ - త్రివిక్రమ్ శ్రీనివాస్ సినిమా షూటింగ్ చివరి క్షణంలో రద్దై హైదరాబాద్ షెడ్యూల్ కొనసాగిస్తోంది. ఈ షూటింగులో భాగంగా బంజారాహిల్స్ సిటీ సెంటర్ షాపింగ్ మాల్ లో పోరాట సన్నివేశాల్ని చిత్రీకరించారు. ఈ సన్నివేశాల్లో పవన్ తోపాటు పలువురు నటులు, ఫైటర్లు పాల్గొన్నారు. ప్రముఖ ఫైట్ మాస్టర్ పీటర్ హెయిన్స్ ఈ ఫైట్స్ కంపోజ్ చేశారు.
    కాగా, బంజారాహిల్స్ లో పవన్ షూటింగ్ జరుగుతోందని తెలియగానే, పెద్ద సంఖ్యలో అభిమానులు మాల్ దగ్గరకు చేరుకున్నారు. కొందరు అభిమానులు సెల్ కెమేరాలతో ఫోటోలు తీసి సామాజిక సైట్లలో కూడా పెట్టేశారు.
        ఈ సినిమాలో సమంతా ప్రధాన కథానాయిక కాగా, మరో హీరోయిన్ గా ప్రణీత ఎంపికయింది. బివిఎస్ఎన్ ప్రసాద్ ఈ చిత్రాన్ని నిర్మిస్తున్నారు. దేవిశ్రీ ప్రసాద్ సంగీతం అందిస్తున్నారు. 'జల్సా' తరహాలో ఈ చిత్రం పూర్తి వినోదాత్మకంగా ఉంటుంది. ముఖ్యంగా పవన్ కల్యాణ్ మేనరిజం, త్రివిక్రమ్ పంచ్ డైలాగులు సినిమాకు హైలైట్ కానున్నాయని చిత్రవర్గాలు చెబుతున్నాయ్.