స్నానం చేస్తున్న వీడియో తీసీ బ్లాక్ మెయిల్.. ఆఫై..

Posted: 06/16/2020 09:24 PM IST

15 year old girl immolates herself after youths film her bathing demand sexual favours

తమిళనాడులోని వెల్లూరులో దారుణం జరిగింది. స్నానం చేస్తుండగా వీడియో తీసి, కోరిక తీర్చాలని ఇరుగుపోరుగుకు చెందిన ముగ్గురు కుర్రాళ్లు వేధించడంతో మనస్తాపానికి గురైన మైనర్ బాలిక.. అవమానం భరించలేక ఒంటికి నిప్పంటించుకుంది. ఈ దారుణ ఘటనలో బాలిక తీవ్రగాయాలపాలైంది. వెల్లూరు ప్రభుత్వ మెడికల్ కాలేజీ ఆసుపత్రిలో 90శాతం కాలిన గాయాలతో జీనర్మణరాల మధ్య కోట్టుమిట్టాడుతోంది. డాక్టర్లు బాలికకు చికిత్స అందిస్తున్న.. అమె పరిస్థితి మాత్రం విషమంగా ఉందని, బతకడం కష్టం అని చెప్పారు. బాత్ రూమ్ లో అమె స్నానం చేస్తుండగా వీడియో తీసింది బాలిక ఇంటి పక్కనే వుండే పోరుగు కుర్రాళ్లే కావడం గమనార్హం. కాగా నిందితులందరినీ పోలీసులు అదుపులోకి తీసుకున్నారు.

పోలీసులు తెలిపిన వివరాల ప్రకారం తమిళనాడులోని వెల్లూరు పరిధిలో నివసిస్తున్న ఓ 15 ఏళ్ల మైనర్ బాలిక ఓ రోజు బాత్ రూమ్ లో స్నానం చేస్తుండగా ఇంటి పక్కన ఉండే ముగ్గురు కుర్రాళ్లు రహస్యంగా వీడియో తీశారు. తనతో నిత్యం సన్నిహితంగా వుండే కుర్రాళ్లు అమెకు ఒక్కసారిగా ఆ వీడియో చూపించి తమ కోరిక తీర్చాలని కోరారు. అమెను బ్లాక్ మెయిల్ చేశారు. తమ కోరికను తీర్చని పక్షంలో ఆ వీడియోను నెట్ లో అప్ లోడ్ చేస్తామని బెదిరించారు. రోజురోజుకి వారి వేధింపులు ఎక్కువ కావడంతో బాలిక భయపడింది. ఏం చేయాలో తెలియక తీవ్రమైన నిర్ణయం తీసుకుంది. ఇంట్లో ఎవ్వరూ లేని సమయంలో కిరోసిన్ ను తీసుకుని ఒంటిపై పోసుకుని నిప్పు అంటించుకుంది.

చుట్టుపక్కల వారు వెంటనే వచ్చి.. మంటలు ఆర్పి బాలికను ఆసుపత్రికి తరలించారు. విషయం తెలిసిన కుటుంబసభ్యులు వెంటనే ఇంటికి వచ్చారు. సమాచారం అందుకున్న పోలీసులు బాలిక తల్లిదండ్రులు ఫిర్యాదు మేరకు కేసు నమోదు చేసి దర్యాఫ్తు చేపట్టారు. ఒకడు మైనర్(17) యువకుడు కాగా మరో ఇద్దరు మేజర్లు. నిందితులు ఆకాష్ (19), గణపతి (22)తో పాటు మైనర్ బాలుడిపై పోక్సో చట్టం కింద కేసు నమోదు చేశారు. వారిని 15 రోజుల జ్యుడిషియల్ కస్టడీకి పంపారు. మైనర్ బాలుడిని జువైనల్ హోమ్ కి తరలించారు. కాలేజీలు విద్యార్థులపై తల్లిదండ్రులు అప్రమత్తంగా లేని పక్షంలో.. వారిని ఓ కంట కనిపెట్టని తరుణంలో ఇలాంటి దారుణాలే జరుగుతాయని పోలీసులు సూచించారు.