రాష్ట్రా పునర్విభజన నాటి నుంచి తెలుగు రాష్ట్రాల మధ్య వివాదాలు కొనసాగుతునే ఉన్నాయి. పలు సంస్థలకు సంబంధించిన ఇచ్చి..పుచ్చుకునే సందర్భాల విషయంలో కూడా ఈ వివాదాలకు ఫుల్ స్టాప్ పడటంలేదు. ఈ క్రమంలో తెలంగాణ విద్యుత్ సంస్థల అధికారుల మధ్య ఆరోపణలు.. ప్రత్యారోపణలు కొనసాగుతున్నాయి. విద్యుత్ బిల్లుల బకాయిల విషయంలో ఈ రెండు రాష్ట్రాల మధ్య పంచాయితీ కొనసాగుతూనే వుంది. ఈ క్రమంలో తమకు రూ. 5,600 కోట్లు ఇవ్వాలంటూ ఆంధ్రప్రదేశ్ ప్రభుత్వం అసత్య ప్రచారం చేస్తోందనీ తెలంగాణ జెన్ కో అరోపిస్తుంది.
వాస్తవానికి ఆంధ్రప్రదేశ్ రాష్ట్రమే తెలంగాణకు బాకీ ఉందనీ.. మాకు రావాల్సింది మాకు ఇచ్చి.. వారికి వెళ్లాల్సింది ఉంటే తీసుకోమని ఎన్నిసార్లు చెప్పినా ఏపీ ప్రభుత్వం కానీ, జెన్ కో అధికారుల నుంచి స్పందన కరువైందని తెలంగాణ ట్రాన్స్కో-జెన్కో సీఎండీ దేవులపల్లి ప్రభాకరరావు ఆరోపించారు. కాగా ఈ అరోపణలను ఆంధ్రప్రదేశ్ జెన్ కో తీవ్రంగా ఖండించింది. తెలంగాణ ట్రాన్స్కో, జెన్ కో సీఎండీలు చెప్పిన అంశాలు వాస్తవ విరుద్ధమని ఏపీ జెన్కో ఒక ప్రకటనలో స్పష్టం చేసింది.
తెలంగాణ విద్యుత్తు వినియోగించుకున్న పుస్తకాల్లోని గణాంకాల ఆధారంగా లెక్కించినా తెలంగాణ నుంచి ఆంధ్రప్రదేశ్ జెన్ కోకు ఇంకా రూ.11,728 కోట్లు రావాల్సి ఉందనే విషయం అర్థమవుతుందని తెలిపింది. తెలంగాణ రాష్ట్ర దక్షిణ ప్రాంత విద్యుత్తు పంపిణీ సంస్థల ఖాతా పుస్తకాల్లో స్పష్టంగా రూ.8,274.23 కోట్లు ఏపీ జెన్కోకు చెల్లించాల్సి ఉందన్న విషయం పేర్కొన్నారని.. మిగిలిన మొత్తం తెలంగాణ ఉత్తరప్రాంత విద్యుత్తు పంపిణీ సంస్థల నుంచి రావాల్సిన బకాయిగా ఏపీ జెన్కో వివరించింది. రాష్ట్ర విభజన తర్వాత కూడా తెలంగాణ డిస్కంలకు విద్యుత్తు సరఫరా చేశామని కూడా తెలిపింది.
అయితే అందుకు రూ.5,732.40 కోట్లు రావాల్సి ఉందని ఏపీ జెన్ కో స్పష్టం చేసింది. ఈ బకాయిలు రాబట్టుకోవడానికి ఎప్పటికప్పుడు జెన్కో ప్రయత్నిస్తోందని..రెండు రాష్ట్రాల ప్రభుత్వ ప్రధాన కార్యదర్శుల సమావేశంలోనూ ఈ అంశం చర్చకు వచ్చిందని తెలిపారు. ప్రతి నెలా విద్యుత్తు బిల్లులతో పాటు రూ.150 కోట్ల చొప్పున తీర్చేస్తామని తెలంగాణ అంగీకరించిందనీ..అయినా అవి ఇంతవరకు ఆ మాట నెరవేర్చలేదని ఏపీ జెన్కో స్పష్టం చేసింది. ఇక నేషనల్ కంపెనీ లా ట్రైబ్యునల్ ముందు తెలంగాణ విద్యుత్తు సంస్థలపై ఇన్ సాల్వెన్సీ చట్టం కింద పిటిషన్ దాఖలు చేయడం తప్ప ఏపీ జెన్ కోకు మరో మార్గం లేదని ఏపీ జెన్ కో స్పష్టం చేసింది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more