డిగ్గీ రాజా కాంట్రవర్సీ ట్వీట్.. కేటీఆర్ ఫైర్

Posted: 05/01/2017 12:21 PM IST

తెలంగాణలో టీఆర్ఎస్ వర్సెస్ కాంగ్రెస్ మరో టర్న్ తీసుకుంది. ఇప్పటికే తీవ్ర పదజాలంతో ఇరు పార్టీల నేతలు విరుచుకుపడుతున్న విషయం తెలిసిందే. ఈ క్రమంలో ఆ పార్టీ జాతీయ నేత, తెలుగు రాష్ట్రాలకు కాంగ్రెస్ వ్యవహారాల ఇన్ ఛార్జి దిగ్విజయ్ సింగ్ చేసిన ఓ పనితో తారాస్థాయికి చేరుకుంది. తెలంగాణ పోలీసులపై చేసిన ట్వీట్ తో తీవ్ర దుమారం రేగుతోంది.

తెలంగాణ పోలీసులు నకిలీ ఐఎస్ఐఎస్ వెబ్‌ సైట్‌ తయారుచేసి యువతను రెచ్చగొడుతున్నారన్న ఆయన ఆపై మంత్రి కేటీఆర్ ను టార్గెట్ చేస్తూ కంటిన్యూ చేశాడు. ‘‘యువతను రెచ్చగొట్టాలని పోలీసులకు సీఎం కేసీఆర్‌ అధికారం ఇచ్చాడా?. అలా అయితే దానికి బాధ్యత వహించి పదవికి రాజీనామా చేయాలి. లేకపోతే విచారణ జరిపించి బాధ్యులపై చర్యలు తీసుకోవాలి’’ అంటూ దిగ్విజయ్ వాటిల్లో పేర్కొన్నాడు.

దీనిపై వెంటనే రియాక్ట్ అయిన కేటీఆర్ తీవ్ర స్థాయిలో మండిపడ్డాడు. ఓ రాష్ట్రానికి ముఖ్యమంత్రిగా పని చేసిన వ్యక్తి ఇలాంటి వ్యాఖ్యలు చేయటం సరికాదని, తక్షణమే తన వ్యాఖ్యలను ఉపసంహరించుకుని క్షమాపణలు చెప్పాలని, అలాకానీ పక్షంలో చేసిన వ్యాఖ్యలకు తగిన ఆధారాలు చూపాలని కేటీఆర్ తెలిపాడు. సుదీర్ఘ రాజకీయానుభవం ఉన్న నేతగా దిగ్విజయ్ సింగ్ చేసిన ఈ వ్యాఖ్యలు సోషల్ మీడియాలోపాటు, రాజకీయంగా కూడా తీవ్ర చర్చకు దారితీశాయి.

I agree but what about the Telangana Police which is posting inflammatory postings to radicalise Muslim Youth through their fake ISIS site?

— digvijaya singh (@digvijaya_28) May 1, 2017

 

Most irresponsible & reprehensible thing coming from a former CM. Request you to withdraw these comments unconditionally or provide evidence https://t.co/cg7p7Ym48X

— KTR (@KTRTRS) May 1, 2017