ITEMVIDEOS: మళ్లపందలను వేటాడి..గాయపడిన చిరుత.. వీడియో వైరల్.!

Posted: 04/15/2017 07:11 PM IST

చిరుత పులి మంచి అకలి మీద వుంది. అప్పుడు అటుగా వస్తున్న రెండు ముళ్ళపందులను చూసింది. వాటిని వెంటాడే క్రమంలో చావు తప్పి కన్ను లోట్టపోయే పరిస్థతికి వచ్చింది.   రెండు ముళ్ల పందులు. తమని వేటాడడానికి వచ్చిన చిరుత పులిపై ఎదురుదాడికి దిగడంతో అంతపెద్ద దిట్టైన చిరుత తోక ముడుచుకుంది. ఆకలి సంగతి దేవుడెరుడు.. ముళ్లు తీస్తే చాలు అంటూ అంగలార్చింది. ఈ సంఘటన దక్షిణాఫ్రికాలోని క్రూగర్‌ జాతీయ పార్కులో చోటు చేసుకుంది.

రెండు ముళ్లపందులు మెల్లగా వెళ్లడం చూసిన చిరుతపులి.. అకలితో వుండటంతో అదను చూసి ఒక దానిపై దాడి చేసింది. అది ప్రతిఘటించడంతో తోకముడిచిన చిరుత తన ఓటమిని అంగీకరించకుండా.. అటుగా వస్తున్న రెండో ముళ్లపందిని చూసి దానిపైవుకు పరుగు తీసి దానినిపై దాడి చేసింది. చిరుత దాడిని ఊహించిన రెండో ముళ్లపంది తన ముళ్లంటినీ విచ్చుకునేలా చేసింది. వాటితో చిరుతను దాడి చేసింది. అప్పటి వరకు కింగులా వున్న చిరుత కాస్తా ఖంగుతినక తప్పలేదు.

ముళ్లపందులపై దాడి చేసి తోకముడిచిన చిరుత నోట్లోకి, పొట్టలోకి ఆ ముళ్లు దిగిపోయాయి. చిరుత బాధతో చేసేది లేక ఆ ముళ్లను వదిలించుకుంది. ఈ తతంగాన్నంతా పార్కును సందర్శించడానికి వచ్చిన ఓ యువకుడు ఫోన్‌లో రికార్డు చేసి యూట్యూబ్‌లో ఉంచడంతో వైరల్‌గా మారింది. దీంతో తన బలంతో విర్రవీగుతూ.. పరులను తక్కవ అంచనా వేయరాదన్న విషయం చిరుతకు ఇప్పటికైనా తెలిసివచ్చినట్లైంది. ఇక ఎందుకు అలస్యం మీరు ఈ వీడియోపై లుక్ వేయండీ.