ఢిల్లీ, హర్యానాలో భూకంపం

Posted: 11/17/2016 07:42 AM IST

స్వల్ఫ భూకంపం దేశ రాజధానిని వణికించింది. గురువారం ఉదయం పలు ప్రాంతాల్లో భూమి కంపించింది. దీంతో ప్రజలు నిద్రమత్తు వీడి భయంతో రోడ్లపైకి పరుగులు తీశారు. సుమారు నాలుగున్నర ప్రాంతంలో ఈ ప్రకంపనలు వచ్చినట్లు సమాచారం. అయితే ఎటువంటి నష్టం సంభవించలేదని, కంగారు పడాల్సిన పనేం లేదని అధికారులు చెబుతున్నారు. ఈ భూకంప తీవ్రత రిక్టర్ స్కేలుపై 4.4గా నమోదైనట్లు సమాచారం.

మరోవైపు హర్యానాలోని కొన్ని ప్రాంతాల్లో కూడా ఈ భూకంప ప్రభావం కనిపించింది. రేవరి జిల్లా బావల్‌కు 13 కిలోమీటర్ల దూరంలో భూకంప కేంద్రం ఉన్నట్లు అధికారులు గుర్తించారు. ప్రస్తుతానికి ఎలాంటి నష్ట సమాచారం అందలేదు. మరింత సమాచారం అందాల్సి ఉంది.