ITEMVIDEOS: మహాలో భారీ పేలుడు... 17 మంది జవాన్ల మృతి

Posted: 05/31/2016 12:29 PM IST

మహారాష్ట్రలోని వాద్రా జిల్లాలో మంగళవారం వేకువ ఝామున భారీ పేలుడు సంభవించింది. ఈ ప్రమాదంలో ఇద్దరు ఉన్నతాధికారులతోసహా 17 మంది సైనికులు మృత్యువాత పడ్డారు. పుల్‌గావ్‌లోని భారత ఆర్మీ ఆయుధ డిపోలో అగ్నిప్రమాదం సంభవించడంతో ఈ ఘోరం చోటుచేసుకుంది. మరో 19 మంది గాయడపటంతో వారిని ఆస్పత్రికి తరలించి చికిత్స అందజేయిస్తున్నారు.

కాగా, పుల్ గావ్ లోని ఈ ఆయుధ కర్మాగారం దేశంలోనే పెద్దది. భారత సైన్యానికి కావాల్సిన పేలుడు పదార్థాలను ఇక్కడి నుంచే సరఫరా అవుతాయి. అంతేకాదు కాలం చెల్లిన బాంబులను బాంబ్ స్క్వాడ్ సాయంతో ఇక్కడే నిర్వీర్యం చేస్తారు కూడా. ఈ ప్రమాదంలో కర్మాగారం పూర్తిగా నాశనం అయినట్లు తెలుస్తోంది. పేలుళ్లు ఇంకా కొనసాగుతుండటంతో స్థానికులు భయాందోళనలో ఉన్నారు. పక్క జిల్లాల నుంచి ఫైర్ ఇంజిన్లు వచ్చి మంటలను అదుపు చేయడానికి ప్రయత్నిస్తున్నాయి. కాసేపట్లో కేంద్ర రక్షణ మంత్రి మనోహర్ పారికర్ సంఘటన స్థలాన్ని సందర్శించి పరిస్థితిని సమీక్షించనున్నారు. ప్రమాదానికి గల కారణాలు తెలియరాలేదు. ఉగ్ర హస్తం ఉందా అన్న కోణంలో కూడా విచారణ చేపడుతున్నామని ఉన్నతాధికారులు చెబుతున్నారు. మంటలు ఉవ్వెత్తున్న ఎగిసిపడుతుండటంతో ప్రస్తుతం అక్కడ పరిస్థితి భయానంకగా ఉంది. పరిస్థితి అదుపులోకి వచ్చాకే నష్టం పై ఓ అంచనాకి వచ్చే అవకాశం ఉంది.

భాస్కర్