డిఎస్ ఆ మాట అనడానికి సిగ్గుండాలి

Posted: 08/28/2015 03:26 PM IST

డిఎస్.. డి శ్రీనివాస్ అలియాస్ కాంగ్రెస్ మాజీ పిసిసి, కాంగ్రెస్ పార్టీ పెద్ద తలకాయ్. కాంగ్రెస్ పార్టీలో ఎంతో సీనియర్ గా ఉన్న డిఎస్ గురించి తెలుగు రాష్ట్రాల్లో ప్రత్యేకంగా పరిచయం అక్కర్లేదు. తెలుగు రాష్ట్రాలు ఉమ్మడిగా ఉన్నప్పుడు కాంగ్రెస్ పార్టీ పిసిసి ప్రెసిడెంట్ గా పని చేశారు డి శ్రీనివాస్. కాంగ్రెస్ పార్టీలో కార్యకర్త స్థాయి నుండి పిసిసి ప్రెసిడెంట్ వరకు తన రాజకీయ ప్రస్థానాన్ని కాంగ్రెస్ పార్టీలో కొనసాగించారు. ఢిల్లీలో తెలుగు రాష్ట్రాల మీద ఎప్పటికప్పుడు అన్ని అంశాల మీద వివరణ ఇస్తూ.. పూర్తి స్థాయిలో కాంగ్రెస్ పార్టీకి నమ్మిన బంటుగా ఉన్నారు డిఎస్. అయితే కాంగ్రెస్ పార్టీ తెలంగాణలో అనుకున్న స్థాయిలో రాణించలేదు. తర్వాత జరిగిన పరిణామాలు డిఎస్ ను పార్టీకి దూరం చేశాయి. అయితే తాజాగా డిఎస్ కాంగ్రెస్ పార్టీ గురించి చేసిన వ్యాఖ్యలు చూస్తే ఎవరికైనా నవ్వొస్తుంది.

డి.శ్రీనివాస్ పార్టీలో మామూలు కార్యకర్త నుండి అంచెలంచెలుగా ఎదిగి కాంగ్రెస్ పార్టీకి గుండె కాయగా నిలిచారు. తెలుగు రాష్ట్రాల కాంగ్రెస్ నేతలను డైరెక్ట్ చేసే స్థాయికి ఎదిగారు. అయితే మామూలుగా కాంగ్రెస్ పార్టీలో ఎవరికి తగిన గుర్తింపు లభించదు. కానీ ఓ మామూలు కార్యకర్తను పిసిసి ప్రెసిడెంట్ ను చేసిన తీరు మాత్రం చాలా మందికి.. అందునా కాంగ్రెస్ పార్టీ వారికి కూడా మింగుడుపడలేదు. అయితే కార్యకర్త నుండి మండలం, తర్వాత జిల్లా తర్వాత రాష్ట్రంలో ఎంతో కీలక పదవులను అందించింది కాంగ్రెస్ పార్టీ.అసలు అంతకు ముందు ఎన్నడూ, ఎవరకి ఇవ్వని ప్రాధాన్యత ఇచ్చింది. అందుకే స్వయానా రాహుల్ గాంధీ కూడా ఇదే మాట అన్నారు. కాంగ్రెస్ పార్టీ డిఎస్ లాంటి వ్యక్తులకు ఎంతో చేసినా కానీ పార్టీకి హ్యాండిచ్చి వెళ్లిపోతున్నారని బాధపడ్డారు. సరే రాహుల్ బాధ గురించి పక్కన పెడితే కాంగ్రెస్ పార్టీ ఎంత చేయాలో అంతకన్నా ఎక్కువే డిఎస్ విషయంలో చేసింది అన్నది నిజం. కానీ ఆయన మాత్రం కాంగ్రెస్ పార్టీ తనకేంచేసిందని మాట్లాడటం నిజంగా సిగ్గు చేటు.

*అభినవచారి*