ముత్తయ్యా పిటీషన్ ను కోట్టివేయండి.. హైకోర్టుకు స్టీఫెన్ సన్

Posted: 06/23/2015 09:32 PM IST

తెలుగు రాష్ట్రాలను అట్టుడికిస్తున్న ఓటుకు నోటు కేసులో తెలంగాణ నామినేటెడ్ ఎమ్మెల్యే స్టీఫెన్‌సన్ హైకోర్టును ఆశ్రయించారు. ఈ కేసు నుంచి తన పేరు తొలగించాలంటూ జెరూసలెం మత్తయ్య వేసిన క్వాష్‌ పిటిషన్‌ను కొట్టివేయాలని హైకోర్టులో స్టీఫెన్‌సన్‌ పిటిషన్‌ దాఖలు చేశారు. ఈ కేసు విచారణను కూడా మరో బెంచ్‌కి మార్చాలని కూడా ఆయన విజ్ఞప్తి చేశారు. ఈ సందర్బంగా ఆయన కోర్టుకు దాఖలు చేసిన పిటీషన్లో ఓటుకు నోటు కేసులో సూత్రధారి ముత్తయ్య అని పేర్కోన్నారు.

ముత్తయ్య జేరుసలేం అనే వ్యక్తే తనను ముందుగా సంప్రదించాడని, టీడీపీకి ఓటు వేయాల్సిందిగా తనను ముందుగా కోరింది కూడా ఆయనేనని పేర్కోన్నారు.  ఈ పిటిషన్‌ను హైకోర్టు రేపు విచారించనుంది.ఈ కేసులో ఆయనను నాలుగో ముద్దాయిగా ఏసీబి అధికారులు పేర్కోన్నవిషయం తెలిసింది. ఈ నేపథ్యంలో విజయవాడకు పారిపోయిన ముత్తయ్య.. అక్కడ సత్యనారాయణపురం పిఎస్ లో తెలంగాణ ప్రభుత్వం, టీఆర్ఎస్ నేతలపై కేసును నమోదు చేశారు.

జి. మనోహర్