మహానాడులో అలజడి.. సర్దిచెప్పిన ఎంపీ

Posted: 05/27/2015 04:54 PM IST

తెలుగుదేశం మహానాడులో స్వల్ప ఉద్రిక్తత చోటుచేసుకుంది. తెలుగుదేశం మహానాడుకు తరలివచ్చిన పలాస ఎమ్మెల్యే శివాజీ, ఇచ్చాఫురం ఎమ్మెల్యే లను పోలీసులు అడ్డుకున్నారు. గుర్తింపు కార్డుకోసం అడిగినట్లు తెలిసింది. దీంతో ఎమ్మెల్యేలు ఆగ్రహం చెందారు. మహానాడు ప్రవేశద్వారం వద్దనే బైఠాయించారు. ఈ నేపథ్యంలో ఎంపీ శివప్రసాద్ జోక్యం చేసుకుని పోలీసులకు నచ్చచెప్పి, ఎమ్మెల్యేలను లోనికి పంపించారు. వేలాదిమంది కార్యకర్తలు, నాయకులు తరలివచ్చిన మహానాడులో ఇలాంటి చిన్నచిన్న ఘటనలు మామూలే అని , ఆందోళన చెందవద్దని కార్యకర్తలకు సర్దిచెప్పారు. ఈ ఉదయం నందమూరి బాలకృష్ణ కూడా పోలీసులతో వాదులాడినట్లు మీడియాలో కథనాలు ప్రసారం అయ్యాయి. మహానాడు మొదటి రోజే కాస్త గందరగోళ పరిస్థితులు ఎదురుకావడంతో కార్యకర్తల్లో అయోమయం కనిపించింది.

*అభినవచారి*