మోడీ ప్రభుత్వంపై అన్నాహజారే ‘బ్లాక్-మనీ’ యాక్షన్!

Posted: 01/29/2015 03:51 PM IST

Anna hazare narendra modi nda government black money lokpal bill

సార్వత్రిక ఎన్నికల నేపథ్యంలో నరేంద్రమోడీ చేసిన ప్రమాణాలు ప్రధాని అయిన 8 నెలలవరకు ఇంకా పూర్తి చేయలేదంటూ వాదనను లేవనెత్తిన కార్యకర్త అన్నాహజారే.. మోడీ ప్రభుత్వానికి వ్యతిరేకంగా ఆందోళనకు దిగేందుకు సన్నద్ధం అయ్యారు. ఎన్నికల సందర్భంలో మోడీ జరిపిన ప్రచారాల నేపథ్యంలో ఆయన విదేశాల్లో మూలుగుతున్న నల్లధనాన్ని తిరిగి భారతదేశానికి తీసుకొస్తానని, లోక్ పాల్ బిల్లును అపాయింట్ చేస్తానని పేర్కొన్నారు. అయితే.. తానిచ్చిన మాటప్రకారం వాటిని బ్లాక్ మనీ తీసుకురావడంలోనూ, లోక్ పాల్ బిల్లును ప్రవేశపెట్టడంలో మోడీ విఫలమయ్యారని అన్నాహజారే వెల్లడించారు.

ఈ విషయమై అన్నాహజారే మాట్లాడుతూ.. ‘‘ప్రధాని కావడానికి ముందు మోడీ విదేశాల్లో వున్న నల్లధనాన్ని తీసుకొస్తానని పేర్కొన్నారు. అలా తీసుకొచ్చిన ఆ నల్లధనంలోని రూ.15 లక్షలు ప్రతిఒక్క ఇండియన్ బ్యాంక్ అకౌంట్’లో డిపాజిట్ చేయబడుతుందని వాగ్దానం చేశారు. అయితే.. ఎన్టీయే ప్రభుత్వం అధికారంలోకి వచ్చి 8 నెలలు కావస్తున్న రూ.15 లక్షలు కాదుకదా.. రూ.15 కూడా ఇంతవరకు ఎవరికీ దక్కలేదు. నల్లధనం, లోక్ పాల్ బిల్లు నియామకంపై మాట్లాడేందుకు మోడీ నిరాకరిస్తున్నారు. గతంలో మోడీ చెప్పిన మాటలకు, ఇప్పుడు ఆయన అనుసరిస్తున్న విధానాల్లో ఎంతో వ్యత్యాసం వుంది. ఆ రెండింటిని పూర్తి చేయడంలో మోడీ ప్రభుత్వం విఫలమైంది కాబట్టి.. త్వరలోనే ఆందోళనకు దిగేందుకు సిద్ధమవుతున్నాను’’ అని ప్రకటించారు.

అయితే.. గతంలో ఈయనకు సహకారం అందించిన వారందరూ ఇతర పార్టీల్లో జాయిన్ అవడమో, సొంత పార్టీ పెట్టుకోవడమో చేశారు. దాంతో అన్నాహజారే ఒంటరి వారయ్యారు. అయినప్పటికీ ఈ 77 ఏళ్ల కార్యకర్త ఒంటరిగానే ఎన్డీయే ప్రభుత్వంపై పోరాటం సాగిస్తానని అంటున్నారు. ఈ ఉద్యమంలో భాగంగానే దేశం నలుమూలల వుండే తెలివైన కార్యకర్తలు తనకు అండగా నిలుస్తారని ఆశాభావం వ్యక్తం చేశారు.