13 మంది ఉన్న ఫ్యామిలీకి జీవిత ఖైది శిక్ష పడింది!

Posted: 07/25/2014 06:34 PM IST

కుటుంబంలో ఒక్కరికి జైలు శిక్షపడితే.. ఆ కుటుంబం అల్లాడిపోతుంది. అదే కుటుంబ మొత్తానికి జీవిత ఖైదీ శిక్ష పడితే ఎలా ఉంటుందో ఒక్కసారి ఉహించుకోండి? ఒకరు కాదు.. ఇద్దరు ఏకంగా.. 13 ముంది కుటుంబ సభ్యులకు జీవిత ఖైదీ శిక్షపడింది. ఇంతకీ అసలు కథ ఏమిటంటే.... 2013 నవంబర్ 13వ తేదీన రౌత్ కుటుంబ సభ్యులు అశోక్ కిస్పొట్టా అనే రైతుపైన, అతడి కుటుంబంపైన కర్రలతో దాడి చేశారు.

ఈ రెండు కుటుంబాలకు మధ్య ఎప్పటినుంచో భూవివాదం ఉంది. అశోక్ ను బాగా కొట్టడంతో అతడు అక్కడికక్కడే మరణించాడు. అయితే అతని కుటుంబంలోని మరో నలుగురు సభ్యులకు గాయాలయ్యాయి. దీంతో మరణించిన అతని భార్య సుష్మ పోలీసులకు ఫిర్యాదు చేయటం జరిగింది.

అయితే ఈ కేసు కోర్టు మెట్లు ఎక్కటం జరిగింది. ఇరువైపుల వాదనలు విన్న జిల్లా సెషన్స్ జడ్జి అనిల్ కుమార్ శుక్లా విచిత్రమైన తీర్పు చెప్పారు. భూమివివాదంలో తమ గ్రామంలోని ఓ గిరిజన రైతును చంపినందుకు ఓ కుటుంబంలో ఉన్న 13 మందికి జీవితఖైదు విధించారు. అందులో నలుగురు మహిళలు కూడా ఉన్నారు.

RS