సీటు బెల్ట్ పెట్టుకోకపోవటమే అంత చేసింది?

Posted: 06/04/2014 02:08 PM IST

కేంద్ర మంత్రి గోపీనాథ్ ముండే రోడ్ ప్రమాదం గురించి తెలియగానే ఎయిమ్స్ కి ముందుగా చేరుకున్నది కేంద్ర మంత్రి డా.హర్షవర్ధన్ ఆయన సీటు బెల్ట్ పెట్టుకునుంటే ప్రమాదం నుంచి తప్పించుకునివుండేవారని అన్నారు.  

గోపీనాధ్ ముండే శరీరానికి పోస్ట్ మార్టం చేసిన డాక్టర్ ఆదర్శ కుమార్ ఆయన మొదటి, రెండవ సెర్వికల్ వెర్టిబ్రే కి కలిగిన దెబ్బ వలన ఎముక చిట్లి మెదడుని స్థంబింపజేసి గుండె పనిచెయ్యకుండా చేసిందని తెలియజేసారు.  వెనక సీటులో కూర్చున్న ముండే సీటు బెల్ట్ పెట్టుకునుంటే ప్రాణాంతకమైన దెబ్బలు తగలకుండా ఉండేవని ఆయన అన్నారు.  

హాస్పిటల్ కి చేర్చేటప్పటికే ముండే ఊపిరి ఆగిపోయి కనిపించింది.  ఆ తర్వాత డాక్టర్లు చేసిన ప్రయత్నాలేమీ ఫలించలేదు.  

సి1, సి2 ఎముకలు చిట్లినట్లయితే మెదడుకు సరఫరా అవవలసిన రక్తం అలా జరగకుండా ఆగిపోతుందని డాక్టర్ హర్ష వర్ధన్ అన్నారు.

గోపీనాథ్ ముండే పెద్ద కూతురు పంకజ ముండే ఆయన చితికి నిప్పంటించారు.  

-శ్రీజ