Posted: 03/13/2013 03:47 PM IST

కర్ణాటకలో ఇటీవల జరిగిన మున్సిపల్ ఎన్నికల్లో కాంగ్రెస్ పార్టీ ఎక్కువ స్థానాలను హస్తగతం చేసుకున్న విషయం తెలిసిందే. దీంతో మేయర్ పదవి కాంగ్రెస్ పార్టీనే వరించనుంది. అయితే ఈ సీటులో కర్ణాటక రాష్ట్ర చరిత్రలోనే ఎన్నడూ లేని విధంగా మునిసిపల్ కార్పోరేషన్ మేయర్ గా హిజ్రాను కూర్చోబెట్టే ప్రయత్నాలు జరుగుతున్నాయి.  ఈ ఎన్నికల్లో నాలుగోవార్డు నుంచి కాంగ్రెస్ అభ్యర్థి పర్వీన్ భాను అనే హిజ్రా 160కి పైగా ఓట్ల మెజారిటీతో నెగ్గారు. కాంగ్రెస్ పార్టీలో మేయర్ పదవికి ఎవరూ పోటీ పడకపోవడంతో ఈమెను పదవిలో కూర్చోబెట్టేకుందుకు ప్రయత్నాలు చేస్తున్నారు. ఇక ఈమెకు రాజ్యసభ సభ్యుడు అనిల్ లాడ్ అండదండలు కూడా ఉండటంతో ఈమెకు పదవి లాంఛమే అంటున్నారు. మేయర్ పీఠం పై ఈమెను కూర్చోబెడితే అది ఒక రికార్డే అవుతుంది.